UXT, CC.OO y la FADE esixen a les alministraciones y a toles fuerces polítiques un "exerciciu de responsabilidá" que desbloquie la construcción de Sama-Velilla.

Los Verdes d'Asturies entamaron a medianueche una campaña de presión a Coxersa. Al traviés de la so web piden l'unviu de correos solicitando'l votu en contra de los conceyos.

Nesta campaña de 11 díes de duración, Los Verdes diríxense a tolos representantes de los Conceyos asturianos, un total de 141 persones, que tienen votu en Coxersa. Soliciten el so votu en contra de la incineradora, y apurren la información y los datos necesarios por que tomen esa decisión.

El Bloque pide’l cese de la violencia y la represión contra miembros y grupos del Movimientu Unificáu Llabrador del Aguán y del Movimientu Llabrador del Aguán, n’Hondures.

Nos últimos tres díes, según indiquen, esistieron movilizaciones masives de tropes militares a la zona del baxu Aguán, polo que'l Bloque por Asturies espresa la so más fonda medrana énte les posibles acciones de represión y desallugos forzaos contra grupos llabradores. “Nestos momentos yá s'ocupó militarmente la contorna de la comunidá Guadalupe Carney”, apunten.

Miguel Ángel Moratinos refugó nuevamente la reconocencia de Kosovu defendiendo que la posición española ye l'apropiada y al fin "la historia va xulgar a quién tuvo la razón".

El vicepresidente de la Diputación de Pontevedra, José Manuel Figueroa, ofreció'l so apoyu a la candidatura d'Uviéu a Capital Europea de la Cultura nel 2016.

Mientres un actu de promoción turística de les Rias Baixas celebráu na capital del Principáu, recordó qu'asturianos y gallegos tán siempre "uníos col corazón" y mostróse dispuestu a "poner el so granín d'arena".

El Gobiernu 'de facto'  en Gaza executó pente medies de un pelotón de fusilamientu a dos palestinos que, según Hamas, collaboraren con Israel mientres la última ofensiva na Faza.

Según l’Institutu Gallegu d’Estatística, el 56,4% de los gallegos fala la so llingua, mientres qu’un 42,6% tien como idioma’l castellán. Los datos son d'una encuesta fecha en 2008.

Los datos d’esti organismu, dependiente de la Xunta de Galicia, nun son mui positivos mirando los del 2003, onde un 61,2% de la población falaba mayoritariamente en gallegu y un 38,3% yera castellanofalante. Según la encuesta, la perdida de falantes ye especialmente dramática nes fasteres urbanes y ente la mocedá.

Esti sábadu, 17 d’Abril, va tener llugar nel Pabellón d’Asturies de la Feria de Muestres de Xixón, el III Festival Rude Gaita, que cuntará cola participación de La Tarrancha, Betagarri y Talco.

El presidente d'EEXX ordenó al Departamentu de Salú que ponga fin a la discriminación que sufren los homosexuales nes visites de les sos pareyes a los hospitales.

Obama robló na nueche del xueves un memorandu qu'esixe a los hospitales estadounidenses que dexen que los homosexuales hospitalizaos reciban la visita de los sos compañeros sentimentales y que éstos puean tener poderes llegales nes decisiones médiques qu'afecten a los enfermos

La Xunta de Gobiernu de Coxersa va reunise'l próximu llunes p'aprobar l'entamu de los trámites pa la construcción d'una planta incineradora, asina como la so financiación.