El primer trimestre del añu acabó n'Asturies con una tasa de paru del 16,56 por cientu y con 80.100 paraos, según datos del INE publicaos esti vienres y recoyíos por Europa Press.

D'esta manera, les oficines de desemplegu rexistraron a 11.500 nueves persones paraes n'Asturies a lo llargo d'últimu trimestre, lo que supunxo un aumentu del 16,80 por cientu sobre'l trimestre anterior.

Asturies rexistró un descensu de 1.180 habitantes nel 2009, quedando l'últimu padrón del 1 de xineru del 2010 en 1.084.109 habitantes, según los datos publicaos güei pol INE.

Trátase d'un descensu, sobre'l padrón del añu anterior, d'una décima. D'otra manera, el númberu d'estranxeros instalaos n'Asturies, incluyíos na cifra anterior, aumentó un 4,3%, con 2.030 más qu'hai un añu, siendo un total de 49.149 persones.

Asturies.com ufre a tolos sos llectores el cartel de la la manifestación pola oficialidá del Día de les Lletres Asturianes qu’empobina la Xunta pola Defensa de la Llingua Asturiana.

La convocatoria entamará el próximu 7 de mayu a les 19.30 hores (una hora enantes del actu académicu) na Estación del Norte d’Uviéu, baxo’l llema ‘Na reforma estatutaria, l’asturianu llingua oficial’.

El Bloque felicita a IU y Los Verdes pol resultáu de la denuncia sobre'l Palaciu de Xusticia. Amás, piden a PSOE y PP xacíu sobre la incineradora, “sinón quieren volver quedar n'evidencia”.

Softastur dio una charra sobre Ubuntu a los futuros maestros d’asturianu. Amás, anunciaron la salida’l mercáu güei de la nueva versión d’Ubuntu, traducida dafechu al asturianu.

Sánchez Vicente, presidente del PAS, sofita la candidatura d’Uviéu a Capital de la Cultura, anque amuesa’l so malestar cola mala xestión “que dexa mui poques posibilidaes”.

La Foz del Pielgu estudia entamar acciones llegales col envís de modificar el trazáu de l’autovía Avilés-Llanera, “yá que perxudica notablemente al  patrimoniu cultural de Corvera”.

L’asociación considera que los planes del Principáu perxudiquen al conceyu nel terrén medioambiental y cultural y señalen qu’esisten otres alternatives. Afirmen que ye muncho mayor el prexuiciu, "atraviesa'l conceyu y dixebralu pela metá", y consideren “más que discutible” qu'esta Autovía puea tener interés xeneral real.

La unanimidá del Plenu del conceyu de Ḷḷena refugó güei “de forma contundente” el pasu pol conceyu de nueves llinies d'alta tensión pa la construcción de Sama-Velilla.

La Xunta de Castiella y Llión propón modificar el trazáu previstu de la llinia Sama-Velilla, construyendo la mesma peles llinies yá esistentes, lo que significaría'l pasu de la instalación per Ḷḷena al traviés del puertu Payares.

El grupu Corquiéu destacó'l "ésitu" de la presentación del so últimu discu 'Suaña', que tuvo llugar nel teatru Filarmónica d'Uviéu'l pasáu sábadu, 24 d'abril.

El grupu Caxastur llogró nel primer trimestre del añu 2010 un beneficiu netu atribuyíu de 53,7 millones d'euros, con una leve reducción del 1,1 por cientu.