La Conseyería de Cultura y Turismu y el Conceyu de Mieres rinden homenaxe al escritor Xosé Antonio García con un recital poético-musical y la inauguración d’una placa conmemorativa.

La Coordinadora Ecoloxista d'Asturies diz que la contaminación industrial ye la principal razón de que n'Asturies haya más de 10.000 persones que sufran la enfermedá d'asma.

N'Asturies toles poblaciones tienen medies de contaminación superiores al valor encamentáu pola Organización Mundial de la Salú (OMS) y supérense los 35 díes nos casos d'Avilés  (322 díes al añu) Llugones (168 díes) Uviéu (130 díes), Xixón (104 díes), Llangréu (54 díes), Mieres (52 díes), señaló la coordinadora ecoloxista.

El PAS va asistir a la manifestación pola oficialidá y van repartir los folletos de la so última campaña, na que critiquen les postures de los partíos mayoritarios haza l’asturianu.

Militantes de Xuventú Asturianista y del PAS van repartir los folletos de la so campaña esplicativa, “a favor de la oficialidá de la llingua asturiana y escontra les mentires de los partíos mayoritarios sobre l’idioma” na manifestación pola oficialidá que convoca la Xunta pola Defensa de la Llingua Asturiana, esti vienres 7 de mayu, XXXI Día de les Lletres Asturianes.

El númberu de paraos baxó en 884 persones n'abril, sobre'l mes anterior, lo que supón un descensu del 1,06 por cientu, y asitió el númberu de paraos n'Asturies en 82.722.

Sicasí, en comparanza col mesmu mes del añu anterior, hubo una subida del 12,14 por cientu, al contabilizase 8.952 paraos más, colo que la cifra total de paraos na rexón sigue tando penriba de los 82.000 (en concreto, 82.722).

El candasín David Artime volvió ganar por segundu añu siguíu'l concursu 'Arbidel' de relatos eróticos en llingua asturiana, que convoca'l Conceyu de Ribesella, col cuentu 'El problema vascu'.

Ayeri entamó en Compostela la undécima edición del ‘Correlingua’, una carrera que va finar el próximu 14 de mayu en Verín y onde los escolinos cuerren en defensa del so idioma.

Baxu’l llema 'Gallegu: la fuercia del nuesu amor', en referencia a un poema d’Uxío Novoneyra, autor homenaxáu nel Día das Letras Galegas, los escolares de la comarca de Santiago sumáronse a la iniciativa convocada pola Asociación Socio-Pedagóxica de Galiza, a CIG-Ensino, Mesa pola Normalización Lingüística y el propiu Conceyu de Santiago.

El Posafuelles acueye mañana, a les 20.30 hores, la presentación del recopilatoriu 'Asturllétric', que recueye una esbilla de cantares versionaos con base electrónica.

José María Pérez anunció que'l Ministeriu de Mediu Ambiente entamó'l trámite del estudiu d'impactu ambiental de l'AVE L.lena-Xixón con una consulta medioambiental.

El presidente d'ERC, Joan Puigcercós, alvirtió que si'l Tribunal Constitucional dicta que l'Estatut nun cabe na Constitución va haber que crear una llegalidá propia en Cataluña.

Nuna conferencia entamada pola Facultá de Filoloxía de Vigo, titulada 'La llingua propia nes sociedá multiculturales', Puigcercós refirióse al tema del Estatut y de la eventual sentencia del TC a entrugues de los asistentes.

Mercedes Álvarez y l'Alcalde de Mieres presentaron la edición conmemorativa 'Xosé Antonio García, un poeta nel fin de sieglu' y el llibru 'Poesía', qu'axunta trabayos del autor mierense.