Riopedre diz que les midíes pa la meyora de la Educación presentaes por Ángel Gabilondo yá se tán aplicando n'Asturies. El Principáu va recibir un 2% del financiamientu global.

El Conseyeru d'Educación y Ciencia, José Luis Iglesias Riopedre, valoró de forma positiva la Propuesta pa la Meyora y Estabilidá del Sistema Educativu presentada pol Ministru d'Educación, Ángel Gabilondo, a les Comunidaes Autónomes na Conferencia Sectorial d'Educación.

Miles de trabayadores salieron a les cais de les principales ciudaes de Francia pa protestar contra los planes del Gobiernu de retrasar la edá llegal de xubilación más allá de los 60.

Los líderes sindicales franceses indicaron que les manifestaciones d'ayeri representen un primer pasu na llucha pa defender l'actual edá mínima de xubilación, una de les reformes emblemátiques del últimu presidente socialista de la República francesa, Francois Mitterrand, mientres que l'actual Executivu defende que nun tien más alternativa que la reforma.

Los independentistes flamencos del N-VA podríen ganar les eleiciones anticipaes del 13 de xunu col 26% de votos, según revela una encuesta publicada pol diariu francófonu ‘Le Soir’.

El N-VA yera hasta agora, col 13% de los votos, sociu electoral minoritariu del primer ministru Yves Leterme, miembru de los democratacristianos flamencos del CD&V, pero les encuesten dan a esti partíu el 19,5% de los sufraxos, tres puntos per baxu de los resultaos de va tres años.

L'embaxador de Chile n'España, Sergio Romero Pizarro, dixo güei que tán estudiando que'l puertu d'El Musel seya entrada de los sos productos a España y la Xunión Europea.

Igualmente, defendió les oportunidaes de negociu qu'ofrez Chile a los empresarios asturianos y la estabilidá económica y xurídica pa garantizar la viabilidá de les collaboraciones. Asina lo dixo en declaraciones a los medios de comunicación nun descansu d'una xornada entamada pola Cámara de Comerciu d'Uviéu y FADE sobre les oportunidaes de negociu nel país suramericanu.

UNA alvierte que de nun construyise'l Centru de Salú en La Cortina los responsables del PSOE y el Principáu “van facer aumentar la sangría poblacional de tou’l suroccidente”.  

Miguel Rodríguez Monteavaro (Bual, 1990),  la voz más nueva de la poesía n’eonaviegu, presenta güei a les 19.30 na Llibreria Trabe d’Uviéu ‘Trenta razóis pra nun medrar’.

Monteavaro diose a conocer con colaboraciones en revistes como ‘Entrambasauguas’, ‘Lletres Lliterariu’ o ‘Trabatel’. Nel 2009 algamó’l Premio Xeira de narracióis curtias. Amás, collaboró nel llibru de microrrelatos 'Una botella enllena de tierra vivo', un volume editáu pola Xunta Xeneral pa celebrar el Día de les Lletres Asturianes.

El BOPA publica güei los decretos polos que se determinen los topónimos oficiales de los conceyos de Ribeseya y Teberga, qu’entamarán a ser oficiales mañana.

Ye de reseñar que nel Decretu de Teberga, tolos topónimos queden llegalmente namás cola so forma tradicional. Mientres que’l de Ribeseya determina que la capital del conceyu tien la doble denominación Ribadesella/Ribeseya y na parroquía d’El Moru tamién esiste la doble denominación d’El Carmen/El Carme.

Los sindicato de l'alministración, refugen les midíes de recorte salarial  y convoquen la segunda manifestación contra la política “antisocial” del Gobiernu del Estáu.

Nel conceyu celebráu güei a les 13 hores, CSI, SATSE, SIMPA, USAE, STAJ, CSIF, USO, USIPA, SIPLA, SICEPA, SIPU, ANPE, ACAIP Y SUATEA-SF, decidieron convocar una nueva manifestación, que va celebraráse’l miércoles día 2 de xunu a les 18:00 hores, con salida de la Estación del Norte d’Uviéu.

Les Cortes d'Aragón abrieron el procesu de designación de los cinco representantes nel Conseyu Superior de Llingües, que va crear les Academies del Aragonés y el Catalán.

El Plenu del Constitucional dictó güei ocho providencies refugando declarase incompetente pa dictar sentencia sobro l'Estatut, como-y solicitó Generalitat y Parlament.

En diches providencies señálase que "nun han solicitase" en cumplimientu del artículu 17.2 de la Llei Orgánica que regula'l funcionamientu del Tribunal Consitucional, que señala que los sos maxistraos "van siguir nel exerciciu de les sos funciones hasta que tomaren posesión los qu'hubieren d'asocedelos".