L’independentismu flamencu podría ganar les eleiciones belgues

Los independentistes flamencos del N-VA podríen ganar les eleiciones anticipaes del 13 de xunu col 26% de votos, según revela una encuesta publicada pol diariu francófonu ‘Le Soir’.

El N-VA yera hasta agora, col 13% de los votos, sociu electoral minoritariu del primer ministru Yves Leterme, miembru de los democratacristianos flamencos del CD&V, pero les encuesten dan a esti partíu el 19,5% de los sufraxos, tres puntos per baxu de los resultaos de va tres años.

Pero amás del N-VA, tamién reivindiquen la dixebra’l Vlaams Belang, partíu de la ultraderecha independentista flamenca, que según ‘Le Soir’ va tener el 10% de los votos. Pa los analistes internacionales, esti sofitu al independentismu vien como votu de castigu a los partíos flamencos tradicionales énte una crisis económica que nun son capaces a iguar.

Con estos resultaos, de ganar el N-VA y ser Bart De Wever, el líder del partíu, l’encargáu de formar gobiernu, espérense unes negociacios más dures que les de va tres años, cuando Leterme tuvo qu’esperar nueve meses dende que ganó les eleiciones hasta que foi nomáu primer ministru.