Los agospiamientos asturianos recibieron más de 373.000 turistes mientres el primer cuatrimestre de 2010, lo que significa un 0,40% más que nel mesmu periodu de 2009.

Asina, el nuesu país esperimentó l'únicu aumentu na estancia media de tol Cordal Cantábricu mientres el mes d'abril. Anocharon tamién unos 773.000 persones, lo que supón un aumentu del 0,73%, según los datos publicaos güei pol Institutu Nacional d'Estadística (INE).

A lo menos 19 muertos pol asaltu n'agües internacionales de la flota solidaria a Gaza. Israel diz que foi culpa de los activistes y la ONX pide una investigación de los fechos.

El barcu que lideraba la flota, el 'Mavi Marmara', resultó atacáu a 65 kilómetros de la mariña de Gaza pente medies d'un abordaxe apoyáu por helicópteros. Según l'enviáu especial d'Al Yazira a bordu del barcu, Jamal Elshayyal, los militares israelinos utilizaron munición real mientres la operación.

La Coordinadora Asturiana de ONGD quier tresmitir la so “más absoluta repulsa y conderga” ante l'ataque israelín a la Flota de la Llibertá, que llevaba ayuda humanitaria a Gaza.

El Comité de Solidaridá cola Causa Árabe convoca pa güei, 31 de mayu, una concentración en Xixón contra l’ataque israelín. Mientres, el Bloque y l'AAC anima a sumase al actu.

El motivu de la concentración, que va ser a les 20 hores nel Paséu de Begoña, ye refugar los asesinatos a 19 civiles, cometíos pol exércitu del Estáu d'Israel, al atacar la Fragata solidaria Llibertá, que tenía como destino apurrir 10 000 tonelaes d'alimentos, medicines y ropa a los millones de palestinos residentes na Faza de Gaza.
 
El Bloque y l'AAC animen a sumase

Jesús Montes Estrada garantizó que siguen alantre colos actos que pretenden xuntar en Xixón al conxuntu de la resistencia iraquina, contra l'actual gobiernu y la ocupación estranxera.

La Sindicatura de Cuentes aprecia "series debilidaes" nel control internu sobre la xestión del Patrimoniu Municipal del Suelu nos siete conceyos que tienen más de 20.000 habitantes.

Horst Koehler anunció la so dimisión inmediata poles declaraciones nes que defendía la necesidá d'intervenciones militares nel esterior pa defender los intereses d'Alemaña.

"Llamento que les mios declaraciones xeneraren un malentendíu sobre una cuestión tan importante y difícil pa la nuesa nación", afirmó'l presidente alemán en rueda prensa, tres l'espolín montáu poles polémiques declaraciones pronunciaes va poco.

El Club de Fumadores pola Tolerancia recoyó n'Asturies 14.696 firmes contra la Llei Antitabacu, lo qu'asitia al país na cuarta posición, referentes a los apoyos contra la prohibición total.

El topónimu 'Ribeseya' ye yá oficial, pero dellos filólogos y espertos en toponimia que participaron nel trabayu de campu cuestionen la forma, y defenden la so variante con 'll'.

Asina los señalaron Fernando Álvarez Balbuena, Ramón d'Andrés y Ramón Sordo Sotres, que tien dellos estudios publicaos sobre toponimia n'Asturies.

El Conceyu escontra la Incineración y la Plataforma de Ganaderos y Afeutaos pola Incineradora convoquen pal 6 de xunu, una concentración contra “esta peligrosa instalación”.

La concentración va facese na Plaza del Náuticu de Xixón a les 12:30 hores y va cuntar con una simbólica degustación de ‘lleche ensin dioxines’, “lo que quiciabes nun se puea facer si entra en funcionamientu la peligrosa incineradora”.