Faustino Zapico dixo qu’anguaño l’enemigu d’Asturies taba na propia Xunta Xeneral y recordó la “llección moral” de los revolucionarios de 1808: “un pueblu uníu ye cuasi invencible”.

Les Cortes de Castiella y Lleón alcordaron que la Junta cumpla col mandáu del Estatutu pa regular la so protección y usu. Amás, per primer vegada sintióse l’idioma en Valladolid.

PP y PSOE reconocieron que pautaron ayeri un alcuerdu, polo qu’a la fin hubo unanimidá pa sofitar una propuesta de resolución que fala d'impulsar el lleonés dientro del patrimoniu llingüísticu de la Comunidá y poner en marcha un plan de midíes pa la so proteición específica en coordinación coles demás alministraciones públiques competentes.

La Sociedá Rexonal de Turismu va presentase nel mercáu canadiense al traviés de la web 2.0, asina collaboró nel viaxe que la periodista Susanne Pacher ta realizando per Asturies.

Dende'l llunes y hasta’l próximu domingu, la periodista ta recoyendo información pa la so web, www.travelandtransitions.com, que recibe más de 50.000 visites mensuales y que foi galardonáu como'l meyor portal canadiense de viaxes pocu convencionales y de relaciones tresculturales.

Zapatero anunció que van presentar una figura tributaria que nun va afeutar a los impuestos nin al 99,9% de la población, namás a los ciudadanos con una alta capacidá económica.

La candidatura conxunta d'Alain Touraine y Zygmunt Bauman y la del xaponés Shigeru Miyamoto, resultaron finalistes del Príncipe de Comunicación y Humanidaes.

El 69 por cientu de los asturianos consideren positiva la prohibición del tabacu en llocales d'ociu zarraos, lo que supón un incrementu del cinco por cientu sobre l'añu pasáu.

Dende la esquierda independentista hasta los los miembros del PP coles posiciones más favoratibles a la identidá del país, l’asturianismu políticu queda col 25-M como Día d’Asturies.

Asturies.com fixo una encuesta ente delles fuercies y coleutivos políticos del ámbitu asturianista pa saber la so opinión sobre la fecha del 25 de mayu. Día del que fai anguaño 202 años, la Xunta Xeneral proclamó la so soberanía y declaró la guerra al invasor francés, unviando embaxadores a Inglaterra pa recabar apoyos.

Tolos entrevistaos señalen la importancia de la fecha pa la historia d’Asturies, señalándola como un día na que’l pueblu asturianu asumió la idea de coleutivu con una identidá propia.

“Axunta modernidá y tradición, amás d'un fuerte conteníu cívica, marca l'aniciu de la dómina contemporánea n'Asturies y amás pela puerta grande”, diz l’historiador y voceru d’UNA Faustino Zapico.

La Xunta de Personal Docente fai un llamáu a la movilización contra les midíes de Zapatero. Amás, pidieron aconceyase con Riopedre pa tratar la situación del asturianu nel enseñu.

Nun plenu de la Xunta de Personal Docente Non Universitariu celebráu ayeri los delegaos pertenecientes a les cinco organizaciones sindicales con presencia nel sector (SUATEA, FETE-UXT, FE CCOO, ANPE y CSI-CSIF) decidieron pidir un una entrevista urxente col Conseyeru d'Educación pa falar de  la enseñanza de la llingua asturiana y del gallego-asturianu n’Educación Infantil

Javier Fernández amosóse satisfechu pola seguridá pal aforru de los asturianos que supón la fusión de Caxastur. Mientres, dende IU pidieron que la caxa nun se desvincule del país.