UNA solicita un pronunciamientu de la Xunta Xeneral pa encamentar al Estáu a suspender rellaciones con Israel. Amás, esixen que’l Principáu rompa toa relación col Estáu hebréu.

Unidá Nacionalista Asturiana condena l'asaltu al barcu d'ayuda humanitaria, onde se provocaron un númberu de muertes de cooperantes entá ensin determinar. Dende'l puntu de vista d'UNA esti fechu enmárcase nuna violación de los derechos humanos d'Israel y del so despreciu dafechu al Derechu Internacional.

Interior averó nos últimos dos meses a una docena de presos etarres a la cárcel de Villabona y la de Zuera en Zaragoza, los dos penales más afeutaos pola política de tresllaos.

ALLA, Universidá y Conceyu de Cangas del Narcea vienen de roblar el pautu de collaboración pol que ñaz la UABRA, a la que yá s’apuntaron más de 100 persones.

Esti alcuerdu, robláu gúei, 1 de xunu, dexa afitao que Cangas del Narcea va ser dende agostu d’esti mesmu añu sede permanente de los cursos y actividaes de la Universidá Asturiana de Branu.

El próximu 5 de xunu ye’l Día Mundial del Mediu Ambiente y les organizaciones ecoloxistes celebren la fecha con una marcha pel campu dunar de L’Espartal, en Castrillón.

Les 19 organizaciones convocantes, informen que les dunes de L’Espartal foron en parte declaraes como Monumentu Natural pol Principáu, “el mesmu qu'en febreru refugó esa consideración a parte del territoriu a favor d'una pretendida urbanización”.

El primer vuelu d'Asturies-Madrid llegó güei, a les 10.15 hores a Santiagu'l Monte pa competir colos precios d'Iberia, que son "un poco d'atracu", aseguraron dende Air Europa.

El presidente de Globalia, grupu al que pertenez Air Europa, Juan José Hidalgo, indicó que "esto antes yera un monopoliu y la xente agora va viaxar con tarifes competitives. Eso de qu'antes cobraren Asturies-Madrid lo que nós Madrid-Nueva York paezme un pocoñín d'atracu a los asturianos". Aseguró que "d'equí p'arriba vamos lluchar por ver lo que lleva'l mercáu, pero faciendo bien les coses"

El Tribunal de Xusticia européu dictaminó que la norma que regula l'abertura de farmacies n'Asturies ye illegal, al entender que la normativa discrimina a los farmacéuticos de fuera.

El dictame respuende al casu de dos farmacéuticos españoles que solicitaron autorización n'Asturies p'abrir una oficina de farmacia. El pidimientu refugólu'l Gobiernu asturianu, que se basó na norma autonómica que regula les oficines de farmacia y botiquín.

Esti xueves 3 de xunu preséntase MAS Corvera, una nueva agrupación que quier representar a tol asturianismu del conceyu "siendo una alternativa a los partíos tradicionales".

MAS Corvera defínese como unpartiu políticu de calter local inspiráu nos principios de la democracia social, los derechos humanos y de los pueblos, el desendolcu caltenible y la defensa del mediu ambiente, la xusticia, la paz y la solidaridá internacional.

El 1 de xunu llega a les llibreríes ‘Ucrania y otros nomes de muyer’ de Xurde Fernández y ‘Desinencies’ d’Héctor Pérez, dos títulos nuevos de la colección de narrativa breve d’Ámbitu.

Cangas vien d’aprobar la creación del Conseyu Asesor de la Ḷḷingua, “pa facilitar la participación ciudadana en relación conos ámbitos d’actividá pública relacionaos cona ḷḷingua”.

El Conseyu Asesor va elaborar y facer un siguimientu de les polítiques de normalización, va proponer acciones y evaluar los planes de normalización, elaborar proyeutos con otres instituciones, canalizar la participación ciudadana, informar al Conceyu de les iniciatives desendolcaes y promover midíes, suxerencies, propuestes o quexes pal so alderique.

Ovidio Sánchez dixo que les encuestes dan como vencedor n'Asturies a la so formación política por mayoría absoluta y amuesesn que la sociedá ta pidiendo eleiciones antemanaes.

Sánchez fixo estes manifestaciones güei, a entrugues de los periodistes en Sotrondio (Samartín del Rei Aurelio), en relación a la encuesta ellaborada por Sigma Dos pal diariu El Mundo, que reflexa que'l PP taría n'Asturies 10 puntos penriba del PSOE, lo que significaría la mayoría absoluta.