Los sindicatos convoquen una nueva manifestación contra la "tisoriada"

Los sindicato de l'alministración, refugen les midíes de recorte salarial  y convoquen la segunda manifestación contra la política “antisocial” del Gobiernu del Estáu.

Nel conceyu celebráu güei a les 13 hores, CSI, SATSE, SIMPA, USAE, STAJ, CSIF, USO, USIPA, SIPLA, SICEPA, SIPU, ANPE, ACAIP Y SUATEA-SF, decidieron convocar una nueva manifestación, que va celebraráse’l miércoles día 2 de xunu a les 18:00 hores, con salida de la Estación del Norte d’Uviéu.

Los sindicatos refuguen dafechu les midíes aprobaes nel Conseyu de Ministros del xueves 20, “que pretenden facer pagar la crisis al que nun tien nenguna responsabilidá na mesma: persones dependientes y xubilaes, families y personal emplegáu públicu”.

Asina, califiquen de vergoñosa la manera en que se tomaron estes decisiones, “a toa priesa y ensin facer el más mínimu xestu pa retayar gastos en fastos, asesores, altos cargos y sovenciones de tou tipu”.

Del mesmu mou, afirmen que les midíes d'axuste que yá se tán adoptando n'Asturies suponen yá un retayu del empléu y una amenorgamientu sustancial na atención al conxuntu de la población.

“Denunciamos la situación insostenible de les milenta persones paraes o empleaes en situaciones  precaries (interines)  que como salida a la so llaceriosa situación esperen tener accesu a la función pública y que con estes midíes de retrasu na edá de xubilación y les restricciones a la contratación nel sector públicu piésllase-yos una importante  puerta salida”, apunten pa finar.