A poesía máis nova nuha llingua veya

Miguel Rodríguez Monteavaro (Bual, 1990),  la voz más nueva de la poesía n’eonaviegu, presenta güei a les 19.30 na Llibreria Trabe d’Uviéu ‘Trenta razóis pra nun medrar’.

Monteavaro diose a conocer con colaboraciones en revistes como ‘Entrambasauguas’, ‘Lletres Lliterariu’ o ‘Trabatel’. Nel 2009 algamó’l Premio Xeira de narracióis curtias. Amás, collaboró nel llibru de microrrelatos 'Una botella enllena de tierra vivo', un volume editáu pola Xunta Xeneral pa celebrar el Día de les Lletres Asturianes.

Dende Trabe, afirmen que “a voz d’este escritor bualés vén a confirmar qu’hai zume novo, y con ben personalidá, prá lliteratura en gallego-asturiano. A esactitú y el procuro llingüístico resultan chamadeiros y dan fe del amor del poeta pola llingua cua que trabaya”.

El llibru fala d’un tiempu en que “visitábamos todas as estrellas sin peligro de queimarnos”, del pasu d’unos años que tamién entamen a pesar nos hombros y, del mesmu xeitu, amuesa con ilusión el milagru de la creación d’un poema, l’afán por pintar “alegrías y ameiceres”.

“Nos sous versos pódese chegar á llúa y a os fondales del mar ou esplorar con agayo os camíos da terra, pódese sentir a señardá por un tempo que ben puido ser ayer ou el medo a nun ter valor pra cambiar úa vida que cuasemente empezóu a vivirse entayer. Trátase, al cabo, de ‘trabayar os nosos soños / y escorrer, un pouco máis llonxe, / el futuro’”, apunten pa finar.

La presentación va facela Xosé Miguel Suárez Tapia. Amás va haber una actuación musical de flauta y bouzouki a cargu de Dani y Arturo y un recital poéticu con Pablo Texón, Alfredo González y Penélope Miranda.