La viceconseyera de Mediu Ambiente dixo na xunta del Conseyu de la Rede de Parques Nacionales que' Picos d'Europa ye'l segundu más visitáu d'España, tres El Teide.

El Conseyu celebráu en Valsaín (Segovia) tuvo presidíu pola ministra de Mediu Ambiente y Mediu Rural y Marín, Elena Espinosa, a la qu'acompañaron el secretariu d'Estáu de Mediu Rural y Agua, Josep Puxeu, y el subsecretariu de Mediu Ambiente y Mediu Rural y Marín, Santiago Menéndez de L.luarca.

La Coordinadora Ecoloxista quier que nun se de prioridá al AVE y apuesten por ameyorar les llinies esistentes, “con trenes llanzadera que conecten Xixón y Uviéu col AVE en Ḷḷena.

“Ye un erru la prioridá otorgada al AVE, con un costu colosal no económico y ambiental, dexando de llau’l tráficu de cercaníes y el caltenimientu y el desenvolvimientu de les redes ferroviaries esistentes”, señalen los ecoloxistes, qu’afirmen qu’esta última opción ye pola que s’inclinen técnicos y espertos en trasporte.

Areces asistió en Madrid a la xunta del Patronatu 'Fundación Pro Real Academia Española', tres ser escoyíu representante d’esta asociación que sofita y subvenciona la RAE.

Ye la primer xunta a la qu'asiste'l Presidente d'Asturies, xuntu con Cantabria y Murcia, que relevaron a los anteriores representantes de les comunidaes autónomes nel Patronatu, que con calter rotatoriu camuden cada tres años. Esta xunta del Patronatu de la Fundación Pro Real Academia Española foi presidida ayeri por Xuan Carlos I nel Palaciu de La Zarzuela.

“Cuantos más espacios ocupemos, menos espacio tien la FSA, ye curioso l’interés porque salgamos del Gobiernu por parte xente que nun son los nuesos votantes”, afirmó Palacios.

Nun alcuentru dixital colos llectores de 'La Nueva España', el direutor de l’Axencia Asturiana de Cooperación afirmó que gracies a tar IU-BA-Verdes nel Conseyu de Gobiernu d’Asturies puen tratase temes como la incineradora, “si nun tuvieramos nin s’aldericaríen”.

Pa Ramón d’Andrés, l’usu de la topinimía nun ye una cuestión de derechos, “ye una cuestión llegal, el fechu de que se refiera al asturianu podríemos consideralo secundario o irrelevante”.

El profesor de la Universidá d’Uviéu y ex direutor de la Oficina de Política Llingüística pública un artículu n’Asturies.com onde da la so opinión sobre’l casu del ciudadanu de Xixón qu’al renovar el DNI nun-y pemitieron que se-y punxere'l nome oficial ‘Gijón / Xixón’ y presentó una reclamación.

UNA anima a celebrar el 25 de mayu mirando al futuru pa facer un país más xustu y más nuestru, “celebrámoslo pa saber qu’esti pueblu pue ser l’únicu amu del so futuru”.

La organización diz que la fecha del 25 de mayu supón la conmemoración d’un de los fechos más importantes na Historia asturiana cola proclamación de soberanía, la rebelión del pueblu asturianu y la creación de la nuestra bandera.

Pablo Fernández afirmó que si IU decide siguir nel Gobiernu nel casu d’aprobase les midíes d’axuste económicu, esto supondrá la salidá del Bloque y la rotura de la coalición.

El voceru del Bloque por Asturies compareció güei en rueda de prensa xuntu al diputáu y secretariu xeneral de la formación Roberto Colunga, onde desplicaron los puntos algamaos el pasáu sábadu en La Pola Siero, depués de que la formación celebrara’l so Congresu Nacional.

Marqués y Sánchez Vicente afirmaron que ye "absurdo" ya "inalmitible" que nun se permitan les comunicaciones n'asturianu de los funcionarios cola alministración.

Mercedes Álvarez afirmó que tolos materiales procedentes de les escavaciones de la Campa de Torres tán "llocalizaos" y añadió qu'añmás solicitáronse delles pieces pal Arqueolóxicu.

Dixo amás, a preguntes del diputáu d'IU-BA-Verdes, que tán dispuestos a presentar a la Fiscalía, si asina lo pidiera, la información referente a la totalidá de les escavaciones. "Esto nun se produz pola preocupación del PP pol patrimoniu nin poles pieces, produzse namás pa facer d'una situación non afortunada un escándalu pa demonizar a un investigador y al Conceyu de Xixón", dixo la conseyera.

José Montilla reclamó al Senáu que reactive "con calter d'urxencia" la renovación de los cuatro maxistraos del Tribunal Constitucional que'l so mandatu caducó n'avientu del 2007.

Na so comparecencia ante la Comisión Xeneral de Comunidaes Autónomes del Senáu, Montilla defendió que'l Tribunal Constitucional "fracasó" nel so oxetivu de dictar sentencia sobre l'Estatut de Cataluña y aseguró que ta "perdíu nun llaberintu" al qu'amás "sería posible qu'acabare llastrando al conxuntu del país".