El Principáu ve futuru na llingua china

El Principáu entama esti mes la VII edición del Máster n'Idioma, Cultura y Negociación China. Areces destaca la importancia d'esti programa pa rellanzar les relaciones comerciales.

El Principáu, al traviés del Institutu de Desenvolvimientu Económicu del Principáu d'Asturies (IDEPA), entama esti mes la VII edición del Máster n'Idioma, Cultura y Negociación China cola participación de diez nuevos alumnos. Ente los seis promociones anteriores –la sesta remata formalmente a finales d'esti mes- pasaron 79 alumnos.

El IDEPA promueve y financia el Máster n'Idioma, Cultura y Negociación China, que imparte la Fundación Escuela de Negocios d'Asturies (FENA Business School) y que diseñaron de manera conxunta nel añu 2006. La duración del Máster ye d'un añu, partíu en 2.130 hores lectives, que se desenvuelve n'Asturies y en China, concretamente na Universidá de Zhejiang-Hangzhou.

Esti programa formativu ta dirixíu a titulaos universitarios que deseyen empobinar la so carrera profesional nuna empresa con negocios internacionales, concretamente en China.