El premiu '’Jovetense’' de poesía 2010 foi pal escritor David Fueyo Fernández col poema ''Mariposas Vivas''. Na categoría n'asturianu foi declaráu ermu al nun presentase nenguna obra.

El xuráu tuvo formáu pola escritora Ana Vega, l'escritor Rubén Rodríguez y la Secretaria d'Educación y Cultura de Juventudes Socialistas/Mocedaes Socialistes d'Uviéu, Lucía Falcón García.

La entrega del premiu va tener llugar el próximu día 16 de Julio a les 19 hores na sede de la organización, na cai Xovellanos 19.

Según un informe encargáu pola Generalitat d'un grupu d'abogaos, el Tribunal Constitucional nun pon en peligru la inmersión en catalán nin l'actual modelu de financiamientu.

El plenu del Senáu arxentín decidió, por 33 votos a favor, 27 en contra y 3 astenciones, sancionar la llei que permite’l matrimoniu ente persones del mesmu sexu.

La llei, que yá fora aprobada'l 5 de mayu pola Cámara de Diputaos, tuvo una fuerte oposición de los grupos relixosos y los sectores conservadores, que celebraron delles concentraciones en Buenos Aires y en tol país. Mientres, el mundu de la cultura y la propia presidenta, Cristina Fernández de Kirchner, amosaron el so sofitu a la llei.

IX confirma que l’aconceyamientu de güei foi pa frañar formalmente la coalición, “agora’l Bloque  quier impulsar un proyeutu débil, minoritariu y escluyente”, afirmen dende IX.

“Ye la so decisión", sostien el secretariu d'organización d'IX d'Asturies, Ángel González, pal que "a partir de güei ábrese un nueva etapa". Igualmente confirmó al traviés d'un comunicáu que la coalición IX-Verdes "caltiense". "Eso ye lo importante", sostien el dirixente d'Izquierda Xunida d'Asturies.

La segunda canal de TPA, A8, emite güei en direuto’l V Memorial Lisardo García Villa dende La Pola. Mientres qu’A7 tresmite’l domingu la competición d’El Carmen de Cangas.

TPA 2 (A8) emite a les 17:30, el V Memorial Lisardo García Villa, ‘El Abuelo’ en direuto dende la bolera del parque Alfonso X El Sabiu de La Pola Siero. Sergio Fuente, acompañáu nos comentarios pol ex xugador Lucas Blanco, va narrar la partida de cuatriada. La tresmisión va entamar a les 17:30 col previu de la final que va enfrentar a Iván, de la peña El Piles, y Pedro, de la peña El Chalupu.

La Sección Sesta de la Sala de lo Contencioso-Alministrativu l'Audiencia Nacional, almitió a trámite'l recursu contenciosu-alministrativu contra'l recorte salarial a los emplegaos públicos.

Areces señaló que venía alvirtiendo de los problemes internos y les contradicciones del PP cuando yera preguntáu por Cascos, pero considera que son problemes a superar nel PP.

"Creo que cuando un partíu tien problemes internos, siempres actué con muncho respetu pa eses situaciones. Y non tratu d'interferir en nenguna decisión que-yos correspuende a ellos. Pero sí manifestar que cuando me fixeron esa entruga repitíes vegaes nos últimos meses, siempres dixi que'l problema teníalu’l PP", señaló..

El Bloque por Asturies solicitó constituyise como Grupu Mistu na Xunta Xeneral. La formación cunta cola representación del diputáu Roberto Colunga, que votó en contra de la Llei d'Axuste.

El Bloque presentó la solicitú esti martes anque pel momentu desconoz los tiempos y procesos de la tramitación. Esta decisión súmase al anunciu fechu la pasada selmana de salir del Gobiernu del Principáu tres el desencuentru colos otros partíos de la coalición IX y Los Verdes en relación a la Llei, especialmente no relativu a la baxada de sueldos de los emplegaos públicos.

El Principáu aprobó la cesión de los cargos del Bloque por Asturies tres anunciar la formación la so salida del Executivu pol so refugu a la baxada del sueldu de los funcionarios.

Les Xuntes Locales del PP d'Uviéu, Xixón, Avilés y Mieres, acordies cola direición n'Asturies y Nueves Xeneraciones, refugaron una hipotética candidatura d’Álvarez-Cascos.

El PP asturianu sostien qu'hasta agora solamente pronunciáronse les fontes del ex ministru y siempre en tonu “despreciativu haza quienes celebraron la so posible vuelta a la política y amosaron la so disposición a collaborar ensin más condición que la de trabayar pola victoria respetando los nuesos Estatutos y a les persones que llexítimamente lleven la responsabilidá de dirixir el Partíu".