El Constitucional reconoz la inmersión llingüística en catalán

|

Según un informe encargáu pola Generalitat d'un grupu d'abogaos, el Tribunal Constitucional nun pon en peligru la inmersión en catalán nin l'actual modelu de financiamientu.

Asina lo afirma l’informe de 43 páxines encargáu pa interpretar les consecuencies de la sentencia sobre l'Estatut. El documentu foi preparáu por un grupu d'espertos coordináu pola Secretaría de Gobiernu, Laia Bonet, y la participación d'Antoni Bayona, profesor de Derechu Alministrativu na Universidá Pompeu Fabra, Jaime Galofre, Direutor d'Asuntos Xurídicos de la Generalitat, y Carles Viver Pi-Sunyer, director del Institut d'Estudis Autonòmics.

Los xuristes entienden que’l Tribunal Constitucional reconoz que nun esiste’l derechu a que los padres escueyan la llingua oficial na que los sos fíos tienen que ser escolarizaos, afirmando que-y correspuende a los poderes públicos regular esta matería.

Recuerden una sentencia del TC de 1994 que yá permitía que la Generalitat afitara una mayor presencia del catalán como llingua vehicular del enseñu ensin desaniciar la presencia del castellán.
 

Contador Estadistiques