La conseyera de Bienestar Social y Vivienda, Noemí Martín, presentó a los dos nuevos miembros del so equipu, que van sustituyir a los miembros del Bloque por Asturies.

Trátase de l'actual direcutor de l'Axencia Asturiana de Discapacidá, Luis Miguel Romero, y a Marcos Cienfuegos que, el próximu 26 de xunetu, va asumir la dirección de l'Axencia Asturiana de Cooperación al Desarrollu.

Los trabayadores de Venturo XXI abandonaron l'encierru nel Conceyu de Samartín del Rei Aurelio güei a les 12.00 hores, anque anuncien que van siguir cola so reivindicación.

Van facelo coles mires de "reorientar" y "reforzar" les sos reivindicaciones que, según anunciaron, "nun van cesar hasta que recuperemos el nuesu puestu de trabayu".

Según informó la plantiya de la cartográfica, la decisión foi tomada ante les mires xeneraes tres la xunta caltenida'l pasáu martes col conseyeru d'Industria y Empléu, Graciano Torre.

Dende güei y hasta 31 de xunetu, 31 mozos emigrantes o descendientes d'emigrantes participen nel segundu cursu de la III Promoción de la Escuela de Branu d'Asturianía.

L'A.VV. de Xivares, ‘El Tranqueru’, quier denunciar la presencia d'una “enorme draga desaxeradamente próxima” a les mariñes de les sableres de Xivares, el Tranqueru y Carranques.

Según señalen, la draga tien capacidá pa treslladar hasta 20.000 m3 de sable por viaxe, “esto supon una nueva agresión a los fondos marinos y a les sableres del Conceyu de Carreño que, por cuenta de les obres portuaries yá perdieron grandes cantidá de sable”.

Dende'l partíu palestín Al Fatá afirmaron que nun van dialogar de frente colos israelinos mientres nun haya meyores nes conversaciones indireutes, mediaes por Estaos Xuníos.

Pal movimientu d'Abbas, la falta de credibilidá" d'Israel ye'l motivu de que nun se avanzó nel diálogu indireutu, qu'entamaron hai dos meses cola mediación del unviáu d'Estaos Xuníos a Oriente Próximu, George Mitchell.

Caxa Mediterraneu aprobó en xunta'l contratu d'integración nel Sistema Institucional de Protección (SIP) que van formar al par de Caxastur, Caxa Estremadura y Caxa Cantabria.

Rafael Palacios afirma sobre la so dimisión que ye un momentu duru y complicáu, “pero la dignidá y la coherencia tienen que tar presentes n’acción política”.

El yá ex direutor de l’Axencia Asturiana de Cooperación al Desarrollu y miembru de la Direición Nacional del Bloque por Asturies vien de mandar una carta a los medios de comunicación tres que güei’l BOPA publique’l so cese, que presentara a petición propia’l pasáu llunes.

Los integrantes del Comité Electoral del PP d'Asturies alcordaron, por unanimidá, refugar la hipotética candidatura d’Álvarez-Cascos a la Presidencia del Principáu.

L’escritu de refugu ta robláu pol Presidente Comité Electoral Rexonal d'Asturies, Agustín Iglesias Caunedo; el Secretariu del Comité Electoral Rexonal d'Asturies, Eduardo Junquera Rodríguez y polos vocales: Benjamín Bilaboa Gutiérrez; Alejandro Arias Torres; Salvador Garriga Polledo; Arancha Arechaga Braña; Begoña Gancedo Crespo; Álvaro Fernández Martínez y Ana Teresa Fernández García.

La Junta aprobó autorizar a la Conseyería de Mediu Ambiente a roblar  un conveniu con Asturies y Cantabria pa collaborar de forma coordinada énte les quemes forestales.

Castiella y Lleón tien alcuerdos de collaboración en materia de prevención y estinción de quemes coles autonomies d'Estremadura, Castiella La Mancha, Galicia, La Rioxa y Madrid.

El Principáu ta desenvolviendo un proyeutu p'algamar l'amenorgamientu nun 30% de les cargues alministratives, costos económicos que les empreses aguanten.

La conseyera d'Alministraciones Públiques y Vocera del Gobiernu, Ana Rosa Migoya, acompañada pol Direutor Xeneral de Modernización, Alberto Pérez Cueto, presentó güei'l proyeutu, que pretende entamar en 2012, nel cursu de La Granda 'Amenorgamientu de cargues alministratives y costos económicos a les empreses'.