El Senáu aprobó l'ampliación del usu de les llingües. El PSOE diz que quieren que naide quede escluyíu dientro d’España. Sicasí, asturianu y aragonés queden fuera por nun ser oficiales.

Agora, el Reglamentu del Senáu va dexar que los senadores puean presentar toa clase d'escritos ya iniciatives en catalán (catalán y valencianu, señala'l Reglamentu), vascu y y gallegu, amás d’utilizar estes llingües na defensa y alderique de les mociones nos plenos.

Miembros del comité d'empresa y trabayadores de Chupa Chups busquen esti miércoles en Ribeseya'l sofitu contra'l pieslle de la planta de Villamayor, Piloña, previstu pa setiembre.

Como fixeron yá n'otros puntos d'Asturies, los trabayadores dan octavielles y recueyen robles. Amás tienen tamién camentao un alcuentru col alcalde del conceyu. Pela tarde va ser la Selmana Negra'l llugar escoyíu pa ver el conflictu con actuaciones asemeyaes.

El barcu libiu con ayuda humanitaria a Gaza aguarda n'agües internacionales depués de que la Marina israelina alvirtiera de que nun diba dexar qu'atracara.

Según esta fonte, el barcu 'Amalthea', de bandera moldava, atópase n'agües internacionales, a 88 kilómetros d'Exiptu y a 128 kilómetros de la marina de gaza.

El vicepresidente del Gobiernu catalán, Josep Lluís Carod-Rovira, aseguró que'l Gobiernu de Cataluña "nun va cambiar" nenguna llei aprobada pol Parllamentu autonómicu.

El Constitucional refugó esti miércoles suspender l'aplicación de la nueva Llei de Salú Sexual y Reproductiva ya Interrupción Voluntaria del Embaranzu conforme pidía'l Partíu Popular.

El Conceyu Universitariu pol Asturianu (CUPA) pide que s’aproveche’l cambiu orgánicu de les facultaes de Ciencies de la Salú y Humanidaes pa rotulales de forma billingüe.

La organización ta acabantes d’unviar a la Universidá d’Uviéu, y siguiendo’l trámite de consultes abiertu por esta, una propuesta pa que les nueves facultaes, de recién creación pola fusión d’otres, (Facultá de Ciencies de la Salú y Facultá d’Humanidaes) usen na so cartelería nueva, la denomación billingüe.

De la Vega defendió que la sentencia del Constitucional sobre l'Estatut afita que l'enfotu d'autogobiernu catalán entra na Constitución y que podíen aforrase cuatro años de tensión.

En declaraciones a la Cadena Ser recoyíes per Europa Press, De la Vega dixo que la xunta que van caltener el presidente del Gobiernu, José Luis Rodríguez Zapatero, y el presidente de la Generalitat, José Montilla, va celebrase "en cuanto pase l'alderique d'estáu de la nación" y añadió que nella van poder analizar "de forma meyor forma" el fallu del Altu Tribunal.

Areces manifestó esti martes que "anque nun ye daqué oficial ye un secretu a voces que'l secretariu de la FSA, Javier Fernández, va ser el candidatu a les próximes eleiciones".

Areces foi entrevistáu güei en 'La Ventana' de la SER depués de que'l pasáu xueves anunciara que nun volverá ser candidatu nes próximes eleiciones de 2011.
 
"Fernández ye una persona bien intelixente, con esperiencia parllamentaria, y un escelente candidatu, asina que voi faer tou lo que tea nes mios manos pa sofitalu y el PSOE gane les eleiciones porque Asturies precísalo", dixo Areces.

El Conceyu Cultural Curriverás de Llangréu convoca´l I Troféu Curriverás de Gaiteros Mozos, nel que puen participar músicos que nun pasen de los 18 años a fecha de 31 d´avientu de 2010.

La inscripción nel concursu pue facese por corréu electrónicu a curriveras@gmail.com o a la direición postal La Talamera 73, 33930 Barros (Llangréu), tando abierta hasta`l  09 d’agostu de 2010.

Establezse una única modalidá de méritos cualitativos, que s´acreditarán en dos fases, eliminatoria (sábadu 21 d´agostu) y final (domingu 29 d´agostu).

L'Índiz de Precios de Consumu (IPC) aumentó n'Asturies un 0,2% mientres el pasáu mes de xunu con respectu al mes anterior, de forma que la tasa interañal quedóse nel 1,7%.