El delanteru de la seleición española, l'asturianu David Villa (Tiuya, 1981), dixo que-y presta que  lu llamen 'Guaḥe' y que'l nomatu valga pa que lu identifiquen cola so tierra pel mundu.

EDP Renováveis entamó ayeri la construcción de la segunda fase del so Parque Eólicu de Carondiu nel términu municipal de La Puela Ayande, n'Asturies.

Cuélebres, trasgos y demás seres de la mitoloxía asturiana van protagonizar próximos capítulos de la serie 'Monstruos de leyenda' de la Canal Historia.

El Gobiernu español nun cumplió'l so compromisu de traducir la lexislación comunitaria a les llingües cooficiales, pese a qu'asina taba previsto nos alcuerdos firmaos.

EA, la esquierda abertzale y Aralar van caltener "cauces abiertos" de diálogu tres un alcuentru  nel qu'analizaron l'alcuerdu de los dos primeros p'algamar la independencia.

La xunta celebróse ayeri llunes en Pamplona tres la invitación cursada a Aralar por EA y la esquierda abertzale, col fin de que'l partíu lideráu por Patxi Zabaleta se sume al pactu 'Bases d'un acuerdu estratéxicu ente fuerces polítiques independentistes', según recordó Eusko Alkartasuna nun comunicáu.

Un comité militar de revisión de penes del Exércitu israelín decidió rebaxar la condena impuesta a Taysir al Heib, militar sentenciáu a ocho año de prisión d'un pacifista británicu.

El PP estatal alvirtió que ye'l Comité Electoral el que tien que decidir sobre les candidatures y refugó que-yos perxudique'l debate nel PP asturianu sobre Álvarez-Cascos.

El pasáu miércoles los responsables de les Xuntes Llocales del PP d'Uviéu, Xixón, Avilés y Mieres, acordies cola direición n'Asturies y de Nueves Xeneraciones, emitieron un comunicáu refugando una hipotética candidatura de Cascos a la Presidencia del Principáu. Esa posible candidatura, alegaben, "ta valiendo puramente pa intentar estremar al PP d'Asturies, otra vez con riesgu de rotura interna".  

El secretariu xeneral de laFSA-PSOE, Javier Fernández, anunció esti domingu ante cerca d'un millar de militantes que va ser el candidatu socialista a la Presidencia del Principáu.

"Si vosotros asina lo queréis, yo voi dar el pasu pa poneme al mandu de la candidatura del PSOE n'Asturies", afirmó Fernández mientres un actu políticu en Xixón que cuntó cola presencia del lehendakari Patxi López.

José Luis Rodríguez Zapatero nun va acudir esti añu a la fiesta qu'entama'l sindicatu mineru SOMA-UXT en Rodiezmo (Lleón), que se va celebrar el 5 de setiembre.

Zapatero ye un convidáu habitual a la cita de Rodiezmo dende que s'escoyó secretariu xeneral del PSOE nel 2000. Ellí, xunto al secretariu xeneral d'UXT, Cándido Méndez, suel empezar el cursu políticu col anunciu de revalorización de les pensiones mínimes pal añu siguiente.

La presidenta del Parllamentu, María Jesús Álvarez, aseguró que'l PSOE "antepón les necesidaes d'Asturies sobre les partidaries" cola candidatura de Javier Fernández.

Álvarez faló de la candidatura socialista esti llunes, minutos antes d'impartir la conferencia inaugural del cursu de La Granda 'Depués de Lisboa: la Xunión Europea en tiempos difíciles'.