El quintu volume del Atles Sonoru de la Llingua Asturiana va ser presentáu esti xueves a les 12 hores nel Muséu Etnográficu del Oriente, en Porrúa. Ésti ta editáu pola Rede de Museos Etnográficos d'Asturies y el Muséu del Pueblu d'Asturies.
El recursu presentáu pol Aconceyamientu de Xuristes pol Asturianu (AXA) sobre la convocatoria de la Procuradora Xeneral d’un premiu de drechos humanos tuvo’l so efeutu. Agora va poder utilizase la llingua asturiana.
Rafid Ahmed Alwan al Janabi, l’informante que convenció a Estaos Xuníos de que Sadam Huseim tenía armes biolóxiques, mintió. L’iraquín confesó al diariu británicu ‘The Guardian’ qu’inventó histores col fin d’acabar col réxime.
La petición de la revisión de la pena a muerte al poeta Miguel Hernández qu’un tribunal franquista dictó’l 18 de xineru del 1940 nun va facese efectiva. El Supremu entiende que la Llei de Memoria Histórica yá la considera “inxusta”.
L’oxetivu d’esta operación ye non interrumpir el desarrollu urbanísticu de Llanes. La conseyería propúnxolo ayeri y el conceyu va solicitalo pronto pa tener esta normativa urbanística disponible nun plazu de tres a seis meses.
La coalición BA-UNA muéstrase contraria a la decisión d’Educación de nun convocar esti añu oposiciones pa Primaria y Secundaria. Pa los nacionalistes, la xubida d’interinos “nun ye un beneficiu pa ellos”, sinón precariedá.
Representantes del Coleutivu d’Estudiantes contra la ‘Semana Negra’ reclamaron a Vicente Gotor, “contundencia” contra “la imposición” de la ubicación del festival. Ésti va celebrase nun terrén pegáu a la Escuela de Marina.
La Conseyería d’Educación y Ciencia decidió nun convocar oposiciones esti añu pa ingresar nel cuerpu de mayestros d’Infantil y Primaria. Namái habrá concursu n’aquellos territorios del Estáu con llingua propia cooficial.
Ún pa la zona occidental del país y otru pa la oriental. Asturies presentó dos Planes de Zona col oxetivu d’aplicar el Programa de Desarrollu Rural Sostenible y revitalizar asina les zonas rurales delimitaes pol Gobiernu del país.
Atrápalo, Rumbo, Viajar y Muchoviaje van collaborar cola promoción d’Asturies nes sos web tres la firma de un conveniu col Gobiernu. Esti alcuerdu forma parte d’una estratexa global de comercialización turística n'Internet.
