Los chigres d’Avilés yá pueden inscribise nel XXI Concusu de Chigres Antroxaos qu’entama la Xunión de Comerciantes d’Avilés y Comarca. El premiu pal ganador d’esta edición del yá tradicional certame ye de 2.600 euros.
Misurata, Zuara, Al Sawiya, Benghazi, Derna y Tobruk son dalgunes de les ciudaes importantes de Libia nes que los opositores de Gadafi tomaron el control nes hores últimes. El vienres ta convocada una manifestación en Trípoli.
Os Boteiros y el Folión van desfilar esti añu nes Mazcaraes d’Iviernu de Valdesoto. Estos personaxes gallegos participen nel ‘entroido’ –l’antroxu del país vecín– del pueblu ourensanu de Viana do Bolo.
La fosa d’El Pinar de Salinas, en Castrillón, ye la primera que se señala con un monolitu n’Asturies. Esta aición ta enmarcada dientro’l Plan d’Identificación de Foses que va dignificar les 353 catalogaes hasta’l momentu nel país.
Roberto Sánchez Ramos ‘Rivi’, conceyal de l’Asamblea de Ciudadanos por la Izquierda, asegura que Gabino de Lorenzo namái presidió 15 de los 77 plenos de la llexislatura actual. L’alcalde uviedín lleva 27 consecutivos ensin asistir.
El conseyeru d’Educación y Ciencia, Herminio Sastre, cifra en 120 places la ufierta pública d’emplegu pa Infantil y Primaria. El Gobiernu d’Asturies estudia dar marcha atrás na so decisión de nun convocar oposiciones en xunu.
La Direición Xeneral de Política Forestal ye’l primer departamentu de l’alministración asturiana que cuenta con un coche híbridu pa los desplazamientos de los sos funcionarios. Éstos tamién van disponer de dos bicicletes eléctriques.
La formación asturianista de calter llocal MAS Corvera, va presentar como candidatu a l’alcaldía a Luis Emilio Cuesta. ‘Tresparencia, honestidá y participación ciudadana” ye l’eslogan que va utilizar na campaña eleutoral.
Nestos momentos, la Estaya de la Llingua d’Avilés tien en marcha tres campañes de promoción del asturianu. Una d’elles, que comparte con otros siete conceyos, ta destinada a la mocedá col eslogan ‘Ruempi col machismu’.
Les dos asociaciones van celebrar una tertulia cultural tolos xueves a les 20 hores nel Centru Social L’Ayalga, anque nun futuru ye posible que tamién pueda visitar otros conceyos. Ésta va llevar el nome d’Enrique García-Rendueles.
