Bizkaia, Gipuzkoa y Araba-Álava. Éstos van ser los nomes oficiales de les tres provincies que formen la comunidá autónoma del País Vascu nun futuru próximu. Güei, el Congresu va tramitar una proposición del PNV nesi sen.
La formación nacionalista apunta a Antonio Trevín, ex alcalde de Llanes, y a la primer edil actual, Dolores Álvarez Campillo, como culpables de les consecuencies graves que tien pal conceyu l’anulación del PXOU. Andecha pide la dimisión de l’alcaldesa.
El Seutor de Xusticia de CO OO y la Xunión Comarcal del Nalón del sindicatu van protestar mañana en Llangréu contra la “xestión pésima” de la xusticia n’Asturies. “Cada día que pasa, el servicu va a peor”, afirmen dende Comisiones Obreres.
Los precios descendieron en xineru un 0,8 por cientu n’Asturies, una décima más que la media estatal, según l’INE. Mentes, la tasa interañal del país medró un 3,7 por cientu, aumentu más altu rexistráu nel Estáu xunto col de Castilla-La Mancha.
‘Fueya en Blanco’, ‘González y González’ y ‘Conceyu Nacional de Liriu” foron los tres meyores blogues del 2010. La entrega de los premios tuvo llugar nel trescursu del III Sidra&Blogues, que reunió a blogueros y aficionaos en La Pola Siero.
La segunda edición del ‘Declara’l to amor pola llingua’ yá ta en marcha. Les persones que quieran participar tienen hasta’l domingu pa presentar un testu, de non más de 160 caracteres, en prosa o en versu.
Vicente Álvarez Areces, presidente del país, pidió al Comisariu Européu de Política Rexonal, Johannes Hahn, el mantenimientu de les ayudes a Asturies p’avanzar na converxencia cola XE. Areces aseguró que van estudiar la so propuesta.
Una sentencia del Tribunal Supremu decidió tornar el recursu interpuestu pol Gobiernu y el Conceyu de Llanes contra’l fallu del Tribunal Superior de Xusticia d’Asturies qu’anulaba’l PXOU. El movimientu vecinal pide la dimisión de l’alcaldesa.
La retirada de los datos de 13 sonómetros llevó a la Coordinadora Ecoloxista a pidir a la Fiscalía de Mediu Ambiente una investigación sobre esta decisión de la conseyería. Estos aparatos sirven pa midir la contaminación acústica.
PSOE, IX y PP impidieron güei na Xunta de Voceros qu’un proyeutu de llei y ocho propuestes non de llei del Bloque por Asturies se debatan el xueves na Xunta Xeneral. BA tacha esti pautu “clandestín” de “antidemocráticu”.
