La esposición ‘Rolling Kings SK8’ de Francisco Caso del Corro, ganadora del IX Premiu Astragal, principia esti vienres a les 20 hores. Trátase d’una revisión, reinterpretación y representación de los reis asturianos.
El criador Paco Guerra considera que’l gochu asturcelta podría dexar de tar n’estinción en diez años “de siguir na progresión actual”. La recuperación d’esti animal entamó nel 2002, cuando quedaben mui pocos exemplares.
La ‘Sociedad Regional de Turismo’ organizó esti xueves un actu en Nantes pa promocionar Asturies como destín turísticu y gastronómicu. La entidá escoyó esta ciudá pola puesta en marcha de la ‘autopista del mar’ nel mes de setiembre.
Luis Peláez ye’l quintu diputáu del Grupu Popular na Xunta Xeneral que dexa’l so cargu. Esti xueves formalizó’l so arrenunciu a l’acta y mostró’l so apoyu a Francisco Álvarez-Cascos, que marchó del PP pa militar en Foro Asturias.
La Direición Xeneral de Tráficu ta estudiando la posibilidá de permitir a los mozos y moces de 17 años la posibilidá de conducir automóviles en compañía d’un adultu con carné. Enantes deberán aprobar el teóricu y tener 20 hores práutiques.
Trátase del ‘Voluntariáu llingüísticu’. L'asociación cultural de defensa de la llingua del país va facer d’interlocutor ente voluntarios más avezaos a usar l’asturianu y persones que quieran meyorar el so dominiu del idioma.
El Gobiernu aumentó’l retrasu nel pagu a les empreses qu’organicen los cursos de formación del Serviciu Públicu d’Emplegu de 40 o 50 díes a más de 120. Ello ta llevando a dalgunes empreses a tener problemes.
El Bloque por Asturies esixe’l cese inmediatu del tratáu de pesca de la Xunión Europea con Marruecos pa la esplotación de les agües del Sahara Occidental. La ministra Trinidad Jiménez defendió’l martes la continuidá del alcuerdu.
La reunión del Conseyu d’Estudiantes con dos conceyales del PSOE esti llunes pasáu pa falar sobre la ubicación de la ‘Semana Negra’ sigue llevantando crítiques. Xuventú Asturianista asegura qu’esti aconceyamientu foi “un engañu”.
Esti xueves, a les 20 hores, va tener llugar la presentación de la obra de Roberto García-Quevedo ‘La Cultura asturiana. Una introducción a l’antropoloxía d’Asturies’. El Club de Prensa Asturiana va acoyer l’actu.
