Ana Rosa Migoya, conseyera d’Alministraciones Públiques, nun quixo falar na sesión plenaria de la Xunta Xeneral sobre Riopedre y Otero. Por contra, si fixo referencia a Renedo, tercer persona en prisión pol casu de corrupción n’alministración.
La llucha ciudadana contra la incineradora nun para. Representantes de Greenpeace y de dellos coleutivos del país van reunise esti llunes con una delegación del Bancu Européu d’Inversiones (BEI) pa que nun financie la planta.
El Tribunal Supremu tornó'l recursu contencioso-alministrativu presentáu pola Unión Sindical de Controladores Aéreos (USCA) contra'l Real Decretu pol que se decretó l'estáu d'alarma'l pasáu 4 d'avientu. Queda otru recursu por resolver.
El Bloque por Asturies calificó de “antidemocráticu” el pautu supuestu contra Roberto Colunga que dexó cayer el popular Ramón García-Cañal el martes. Palacios pide “valentía” a los tres grupos parlamentarios pa que reconozan esi pautu públicamente.
El Palaciu Deportes de Xixón va acoyer mañana, a les 20.45 hores, el debut del Uviéu y del Sporting de veteranos na Lliga Fertiberia de fútbol-indoor. D’esta forma, los aficionaos asturianos van poder revivir aquellos derbis emocionantes en Primera.
La Declaración d’Impactu Ambiental del tramu San Andrés del Rabanedo-Variante de Payares del AVE ente Asturies y Madrid foi resuelta pol ministeriu competente. Ello va permitir l’ampliación de la plataforma del ferrocarril y l’avance de la obra.
La costa asturiana ta güei n’alerta mariella por raches d’aire fuerte. Según la predicción de l’Axencia Estatal de Meteoroloxía (AEMET), la esistencia d’estos vientos costeros podría provocar oles d’hasta cinco metros.
El Conceyu Abiertu qu’entrugaba sobre’l comunicáu d’ETA del 11 de xineru provocó división ente los nuesos llectores. Un 33 por cientu piensen qu’ésti ye positivu y busca la paz, mentes qu’un 30 por cientu camienten que la banda tien otres intenciones.
El Principáu aprobará la selmana qu’entra’l Decretu que regula los planes d’evaluación de la función docente tres tratalo güei nel Conseyu de Gobiernu. Tamién esaminó otros tres decretos en fase de borrador.
L’ausencia del estudiu d’impactu ambiental y la desproteición que causaría nes playes de Xibares y Peña María llevó a l’Audiencia Nacional a paralizar l’esmonte l’Alto Aboño. Los vecinos van lluchar pola reposición de tolos daños causaos.
