Esti llunes, 21 de febreru, ye’l Día de Llingua Materna, fecha cola que se pretende promover el plurillingüismu. Asturies vive, otra vuelta, una celebración d’esta xornada ensin ver reconocíos los sos derechos llingüísticos.
La formación asturianista nueva de calter llocal, MAS Corvera, va presentar esti martes al so candidatu a l’alcaldía del conceyu. Va ser nel trescursu del I Congresu Llocal del partíu, abiertu a tolos vecinos.
La rede de blogues Ocio Networks ta acabante de publicar los datos d’una encuesta fecha ente internautes asturianos. Ésta señala que’l 87 por cientu usen una rede social. Facebook ye la más mayoritaria de toes.
El ‘I Cursu Básicu d’Asturianu’ del Conceyu Universitariu pol Asturianu (CUPA), que va principiar el 2 de marzo, ta teniendo una bona rempuesta y yá cuenta con más de quince inscritos. El plazu pa facer la matrícula termina’l 28 de febreru.
‘El llibru del naciatu’ va ser el regalu que recibirán tolos neños y neñes que nazan nel ambulatoriu de L’Infiestu. Esta publicación va presentase’l llunes coincidiendo col Día de la Llingua Materna.
El 5 de marzu ye la fecha escoyida pol grupu de punk-folk Skontra pa presentar oficialmente en Xixón el so tercer trabayu d’estudiu, ‘Mazcando miseries’. Va ser un conciertu especial, con delles collaboraciones y sorpreses.
Trátase d’un cursu d’ainiciu a la llingua asturiana y otru d’afondamientu, de 30 hores cada ún, destinaos a tol mundu y de baldre. Éstos van principiar el llunes 28 de febreru y la inscripción pue facese hasta esi mesmu día.
El Comité de Representantes de Persones con Discapacidaes del Principáu d’Asturies (CERMI) solicitó a Antonio Trevín midíes pa meyorar l’accesibilidá de los colexos eleutorales. El coleutivu entregó-y un documentu con delles propuestes.
Mediu Ambiente continúa apostando pola suelta de robecos na zona de la Sierra l’Aramo. Hasta la fecha reintroduciéronse con ésitu 51 exemplares procedentes de la reserva de caza de Somiedu, cifra que va medrar esti añu.
El compositor Manuel Fernández Avello va presentar esti sábadu n’Uviéu la so obra ‘Álbum de canciones’. Esti trabayu inclúi siete cantares de creación basaes en testos, poemes o fragmentos d’autores en llingua asturiana.
