La Plataforma en Defensa del Leonés y del Gallego ye un coleutivu nuevu que ta formáu por once asociaciones de la comunidá castellano-lleonesa. Reclama la “regulación de la proteición, usu y promoción” de les dos llingües.
Toles persones que cuenten con un dispositivu d’accesu a Internet van poder disfrutar d’Internet de baldre en dellos puntos de Xixón dende esti martes. Los internautes van navegar a una velocidá de 512 Kb.
Esti martes va volver a celebrase una actividá de la Terturlia Pachín de Melás. Nesta ocasión, el títulu del alderique ye ‘Pidimos la Palabra: Igualdá, derechos y condición sexual’ y nella van tomar parte representantes de Xega.
UXT, CC OO, Usipa, CSIF y CSI, sindicatos de la Xunta de Personal Funcionariu de l’Alministración, van movilizase pola intención del Gobiernu, según la so opinión, de “nomar a deu” a funcionarios. La primera aición, esti vienres.
El Partíu de los Trabayadores del Curdistán (PKK) va volver a garrar les armes tres seis meses de tregua. La guerrilla curda anuncia una “defensa activa” y señala que nun va atacar oxetivos turcos.
La nieve va llegar a Asturies esti llunes acompañada de vientos fuertes. L’Axencia Estatal de Meteoroloxía (Aemet) establez una alerta naranxa –riesgu importante– nel interior del centru d’Asturies.
El Decretu del carbón, qu’incentiva la quema de carbón estatal frente al importáu, entró en marcha’l sábadu pasáu, anque na práutica fixólo esti llunes. N’Asturies, Soto Ribera y la térmica del Narcea son les dos centrales que van quemar esti carbón.
El Bloque por Asturies llamentó “la situación de precariedá y marxinalidá” a la que s’enfrentan los intérpretes de llingua de signos n’Asturies. Amás, denuncia “un pasu más” d’Educación “hacia la privatización de los servicios públicos”.
Esti sábadu, a les 10 hores, va tener llugar nel Institutu de Tapia la primer prueba de conocencia de gallego-asturiano convocada pola Academia de la Llingua Asturiana (ALLA). 19 persones matriculáronse pa esti esame escritu y oral.
A partir del 7 de marzu, la velocidá máxima n’autopista y autovía va ser de 110 quilómetros per hora. El Gobiernu toma esta midida de manera temporal p’aforrar en combustible, según comunicó esti vienres Alfredo Pérez Rubalcaba.
