La Biblioteca Pública Xovellanos va acoyer, ente’l xueves y el sábadu, les xornaes Andecha’l sur, na que participen coleutivos feministes americanos. Nelles va reflexonase sobre la dependencia econónomica de la muyer y el desarollu.
Francisco Álvarez-Cascos aseguró que los recortes na RTPA "nun son pa suprimir emplegu, sinón pa dexar al sector audiovisual que recupere la senda del emplegu". UXT impugnó la decisión del Gobiernu ante'l TSXA.
La catedrática de Derechu Internacional Públicu, Paz Andrés, anunció esti martes la so decisión de presentase otra vuelta a les eleiciones al Rectoráu de la Universidá d'Uviéu. D'esta forma va volver a competir por esti cargu con Vicente Gotor.
Trece persones con discapacidá inteleutual tienen dende esti llunes la oportunidá d’averase a la llingua y cultura asturiana gracies a un taller entamáu pol Conceyu de Samartín del Rei Aurelio. El cursu va allargase hasta’l mes de payares.
El X ‘Conciertu Asturies nun Escaez’ yá conoz el so cartel definitivu. El sábadu 22 d’ochobre van actuar en Sama Skama la Rede, Skontra, Adizión Etílika y Taranus, que se sumen a los primeros confirmaos: Escuela de Odio y IRA.
‘Iniciación a la gaita asturiana’ ye’l nome del llibru col que Ricardo Soberado y Balbino Menéndez pretenden que l’aniciu de los rapazos y rapaces col instrumentu sía “prestosu y entreteníu”. Ye’l primer manual orientáu a neños y neñes.
Llangréu va ser sede del DMR 2011 los díes 21 y 22 d'esti mes col propósitu de facer alcordanza de la Revolución d'ochobre del 34. El sábadu, en Sama, va celebrase'l tradicional conciertu, pal que yá tán confirmaos Escuela de Odio y IRA.
La mengua de 157 millones d'euros anunciada "pola derecha nel Gobiernu" nun tien l'apoyu del Bloque por Asturies. La formación amuesa la so preocupación pol recorte de 55,8 millones en Fomentu y de 11,3 a la RTPA.
Unidá Nacionalista Asturiana (UNA) asoleyó'l sábadu un comunicáu pa esplicar les razones que lleven a la formación a nun presentase a les xenerales. Los nacionalistes quieren "priorizar la construcción d'un espaciu políticu asturianu".
Esti llunes, a les 19.30 hores, va principiar el Certame Estatal de Curtiometraxes Aula 18 con una gala nel teatru municipal de L'Entregu. Nesta edición participen trés cintes onde hai presencia de la llingua asturiana.
