El 12 de payares va tener llugar en Xixón el IV Alcuentru cola Cultura Tradicional, eventu qu’entama Vezos Astures y Danzaina. Nesta ocasión, los organizadores dediquen la xornada a Cantabria, Lleón y, cómo non, a Asturies.
El Conceyu de Cangas del Narcea ta acabante d’abrir el plazu de presentación de trabayos pa participar nel IX Concursu de Cuentos Curtios. Toles persones interesaes en concursar tienen hasta’l 21 d’avientu pa presentar les sos obres.
Carlos Rubiera reivindicó la celebración de cualquier actu institucional o social con sidra asturiano na presentación del I Salón Internacional de Sidres de Gala. Esti eventu va celebrase’l día 28 y busca promocionar estes bébores.
Darréu comunicó na madrugada d’esti vienres que’l conciertu ‘Asturies nun escaez’ suspéndese “por mor del traficu d'influencies, presiones y acosos caciquiles” fechos dende’l Conceyu de Llangréu. El DMR mantién el restu d'actividaes.
La tradición del puru nos campos de fútbol, al menos a nivel profesional, paez tar más cerca del desaniciu. La UEFA anunció que nun va dexar fumar nos estadios de la Eurocopa 2012 de Polonia y Ucrania nin vender tabacu na so redolada.
Al traviés d’un comunicáu na web del diariu vascu ‘Gara’, ETA anunció esti xueves el final definitivu de la llucha armada. La banda llama a los gobiernos español y francés a abrir “un diálogu direutu” pa solucionar “les consecuencies del conflictu”.
El Comité Regional de Derechos y Garantías del PP apartó del so grupu municipal en Siero a los cuatro ediles que firmaron la moción de censura entamada por FAC contra l’alcalde, Guillermo Martínez. Tamién suspendiólos de militancia.
Muamar Gadafi foi capturáu cerca de Sirte por rebeldes mentes trataba d’escapar nun convói atacáu momentos enantes pola OTAN. El ministru d’Información del Conseyu Nacional de Transición (CNT) afirma que l’ex líder ta muertu.
El músicu xixonés Nacho Vegas interpretó'l miércoles una versión en llingua asturiana de 'The Partisan' nel homenaxe a Leonard Cohen nel Teatru Xovellanos. El de Montreal, presente nel actu, nun pudo evitar emocionase nel trescursu del mesmu.
Dieciséis partíos políticos van presentase a les xenerales del 20-P por Asturies, de los que quince tamién aspiren a entrar nel Senáu. Doce d’estes candidatures tuvieron que presentar más de 989 avales pa poder tomar parte nes eleiciones.
