Emilio Marcos Vallaure señaló na Comisión de Cultura y Deporte de la Xunta que “nun pasa nada por que’l Niemeyer zarre si val pa que salga reforzáu”. El conseyeru compadeció a pidimientu del PP pa esplicar la situación del centru cultural.
La falta de lluvies n’ochobre y en gran parte de setiembre llevó a la Confederación Hidrográfica del Cantábricu (CHC) a activar, en fase de prealerta, el Plan Especial de Sequía n’Asturies. Lugo y Cantabria tán na mesma situación.
Foro Asturias va poder presentase pola Comunidad de Madrid tres reunir el triple de les firmes necesaries pa participar nes eleiciones: 17.565. Carlos Bousoño va ser el cabeza de llista, mentes qu’Enrique Álvares Sostres va lliderar la d’Asturies.
La Coordinadora Ecoloxista d’Asturies criticó esti llunes la resolución del Gobiernu de formular la declaración d’impactu ambiental a la cantera de Peḷḷuno. Los vecinos y grupos ecoloxistes veníen denunciando munches irregularidaes nella.
L’arrenuncia del Bloque, UNA y Unión URAS-PAS de participar nes eleiciones del 20-P dexen a Andecha Astur como la única formación asturianista que va dar el pasu de presentase a les xenerales. El llunes tien qu’entregar 989 avales pa ello.
El Conseyu de Ministros aprobó esti vienres el nomamientu de Francisco González Zapico como delegáu nuevu del Gobiernu estatal n’Asturies. El sustitutu d’Antonio Trevín yera’l responsable del Área d’Agricultura y Pesca de la Delegación.
El sortéu de dieciseisavos de final de la Copa deparó un clásicu norteñu ente l’Uviéu y l'Athletic Club. Mentes, el Sporting va vese les cares otra vuelta col Mallorca, equipu que lu eliminó nesta mesma eliminatoria l’añu pasáu.
El candidatu d’IX al Congresu por Asturies, Gaspar Llamazares, comprometióse a facer que “salga alantre” la reconocencia de la especialidá docente de Llingua Asturiana. El cabezaleru de la coalición aconceyó esti xueves con Ana María Cano.
Del vienres al domingu, 16 establecimientos hosteleros de Sotrondio, Blimea y L’Entregu van ufrir pinchos y tapes a un preciu de 1,5 euros. Trátase del concursu ‘Samartín del Pinchu 2011’, eventu que tien como llingua vehicular l’asturianu.
Un 58 por cientu de los usuarios d’Asturies.com señala que’l discursu de Vallaure sobre l’asturianu, nel qu’anunció un Plan de Normalización, tresmite-y optimismu. Un 27 por cientu diz que les pallabres del conseyeru nun-y convencen.
