Bloque por Asturies refuga "los axustes aprobaos pola derecha nel Gobiernu"

La mengua de 157 millones d'euros anunciada "pola derecha nel Gobiernu" nun tien l'apoyu del Bloque por Asturies. La formación amuesa la so preocupación pol recorte de 55,8 millones en Fomentu y de 11,3 a la RTPA.

"Mantener, como diz FAC, que la 'reprogramación de 55,8 millones' del apartáu d'inversiones nun van afeutar a los plazos de execución de les obres ye dalgo que nun se sostién", señala'l Bloque, "salvo que les intenciones d'esti Gobiernu sían les de sigur coles obras y nun pagar a les empreses que les executen, situando a éstes nuna posición mui delicada, de la que se derivaría, ensin dulda, el pieslle de munche d'elles, o, nel so defeutu, l'aplicación de EREs y, como consecuencia direuta, la perda de'un bon númberu de puestos de trabayu y la paralización de les propies obres". Mentes, no que se refier a la decisión de cortar el grifu al ente públicu de televisión, la organización nacionalista califícalo de dalgo "grave" y, ensin dexar atrás les sos crítiques a los xestores actuales, defende "una RTPA pública, al serviciu de la sociedá asturiana, llibre de clientelismos, plural y abierta a la sociedá, onde la promoción de la cultura y de la llingua asturiana tengan un espaciu predominante", al mesmu tiempu que reclama "una xestión económica clara, tresparente y ensin marafundios".

D'igual forma, el Bloque tamién critica "la actitú hipócrita de PSOE-IX" por protestar ante estos recortes cuando "foron ellos quienes aprobaron nel so momentu l'aplicación de midíes d'axuste n'Asturies sancionando un presupuesto pal 2011 –no que constituyó una estafa verdadera a la ciudadanía asturiana– que sería imposible cumplir y sentando les bases pa que, cuando la derecha llegase al poder, alcontrase'l camín de los recortes segáu". Por too, ello los socios d'UNA llamen a la sociedá asturiana a movilizase contra los recortes del Gobiernu de FAC y amuesen el so apoyu a "los sectores llaborales, trabayadores y families afeutaes por estes midíes".