El sábadu pasáu, la madrilana Ainhoa Fernández, el mallorquín Enric Gonyalons y la italiana Rosella Uru foron secuestraos en Tinduf presuntamente por Al Aqmi. El Bloque por Asturies amosó la so solidaridá coles familiaes d’estos cooperantes.
Representantes de Radio Kras, Radio QK.racha y Radio Nava, amás de los responsables de Radio Sele, van aconceyar el sábadu pa tratar el pieslle de la emisora n’asturianu. Van trabayar p’amosar que “Radio Sele ye alegal, non illegal”.
Seis cartelos con vocabulariu específicu sobre dellos temes componen la segunda parte de la campaña ‘N’asturianu queda guapo’. Estos materiales van repartise nes escueles y guarderíes del Conciyu de Ḷḷena.
El presidente d’Asturies, Francisco Álvarez-Cascos, anunció que nun va decidir sobre’l presupuestu pal 2012 hasta conocer les llinies d’actuación del Gobiernu estatal entrante. D’esta forma busca que les cuentes “sían lo más realistes posibles”.
Mahmud Ahmadineyad, presidente d’Irán, acusó a los países occidentales de buscar la muerte de Muamar Gadafi “pa que nun falara”. El Conseyu Nacional de Transición (CNT) libiu enterró al ex dirixente nun llugar secretu.
A les 10 hores d’esti martes, Radio Sele cortó la so emisión pel FM por decisión del xefe nuevu de Telecomunicaciones n’Asturies –dependiente del ministeriu–, José Antonio Díez Menéndez. Agora namái va poder sentise per Internet.
La web de Foro, etiqueta qu’utiliza FAC pa les xenerales, espublizó esti llunes una nota entitulada ‘L’asturianu: un patrimoniu común' firmada por Teresa Alonso. Nella señala que l’asturianu nun pue ser “una arma de confrontación”.
Los díes 8, 9 y 10 de payares van celebrase na Facultá de Filosofía y Lletres les XXX Xornaes Internacionales d’Estudiu de l’ALLA. Nesta ocasión, ponse en marcha un Conceyu Internacional de Toponimia y Antroponimia Asturiana.
PSOE, PP y IX-LV quieren arrebatar al Gobiernu’l control sobre les decisiones económiques y les relatives al seutor públicu. Los trés grupos presentaron una moción de llei pa camudar el testu refundíu del Rexime Económicu Presupuestariu.
La negociación ente los alcaldes IX-LV de Mieres y Ḷḷena, y los socialistes de Morcín, Riosa, La Ribera y Ayer pa nomar al xerente del Consorciu de la Montaña Central sigue ensin avanzar. La coalición proponía a Marcos Cienfuegos.
