Esti domingu va terminar el plazu pa inscribise a la segunda edición de los Cursos Básicos d'Asturianu tres la decisión del CUPA d'amplialu pa ocupar asina toles places llibres. El de nivel II mantiénse abiertu hasta'l 30 d'ochobre.
La xunta nacional del Bloque por Asturies celebrada’l xueves n’Uviéu decidió, amás de nun acudir a les eleiciones del 20-P, una restructuración de la so direición. Manuel Benayas y Nuria Rodríguez garren agora la portavocía de la formación.
L’únicu periódicu impresu escritu de forma íntegra n’asturianu, 'Les Noticies', cumple 15 años de vida. Pa celebrar esti aniversariu tán especial, esti vienres sal a la cai un númberu especial del selmanariu con 32 páxines a too color.
L’Asociación de Trabayadores de la Normalización Llingüística (ATNLL) amuesa la so preocupación pola “tranquilidá” del Gobiernu pa resolver les subvenciones a asociaciones, empreses y particulares. Teme que se puedan perder.
La militancia d’Unidá Nacionalista Asturiana (UNA) decidió nun conceyu abiertu nun acudir a les xenerales del 20-P pa siguir trabayando nel proyeutu de xuntanza entamáu xunto col Bloque. El sociu d’UNA va decidir esti xueves la so postura.
‘L’asturianu y l’aragonés na taxonomía llingüística peninsular. Ciencia y ideoloxía’ ye’l tema que va tratar Ramon d’Andrés na VI Trobada que celebra l’Instituto de Estudios Altoaragoneses. Ésta va desarrollase ente’l xueves y el sabadu n’Uesca.
Na madrugada del xueves –hora asturiana– morrió Steve Jobs, cofundador d’Apple y ún de los principales motores de la evolución informática con creaciones como los ‘Mac’ o’l ‘Iphone’. Un cáncer de páncrees finó cola so vida.
Los votos contrarios del PSOE y Ideas, y l’astención de FAC y PP, torgaron una moción de Conceyu Abierta por Noreña pa que’l Plenu aceptara mociones n’asturianu. L'ALLA y N’Ast mostráronse mui críticos colos socialistes.
El IV Concursu-Esposición de Gochu Asturcelta que tuvo llugar el sábadu en Santolaya foi un ésitu de públicu. Cientos de persones averáronse al recintu ferial pa ver a los meyores exemplares d’esta raza autóctona en procesu de recuperación.
La conocida escritora Carmen Gómez Ojea retoma'l camín de la Lliteratura Infantil n'asturianu pa regalanos l'álbum ilustráu "Hermanina", qu'espubliza conxuntamente coles ilustraciones d'Antònia González Tinturé.
