El PP espulsa a los cuatro conceyales que firmaron la moción de censura entamada por FAC en Siero

El Comité Regional de Derechos y Garantías del PP apartó del so grupu municipal en Siero a los cuatro ediles que firmaron la moción de censura entamada por FAC contra l’alcalde, Guillermo Martínez. Tamién suspendiólos de militancia.
 
Según informen dende'l partíu en nota de prensa, la xunta del Comité acordó incoar espediente disciplinariu a los cuatro ediles que tomaron la decisión d’apoyar la moción de censura contra Martínez ensin tener en cuenta la opinión de la formación. Éstos foron Luis Vázquez Suárez, María Jesús Berdasco Sierra, María Engracia Valle Quirós y Mauricio Adrián Bogomak Medeiro.
 
Coles mesmes, decidióse la suspensión de funciones, lo que significa "que dexen de representar al Partido Popular en tolos órganos y ámbitos nos que tuvieren". Estes midíes impliquen "nun sólo separar” a estos ediles “de la militancia del Partido Popular, sinón que tamién de la representación del Partido Popular nel Conceyu de Siero y de la so pertenencia al Grupu Municipal Popular d’esti Conceyu", acaba'l PP asturianu.