Pablo Rodríguez Medina y Ricardo Candás foron los ganadores, ex aequo, del VIII Certame de Poesía Nené Losada Rico. El xuráu escoyó por unanimidá los sos trabayos ‘Mitoloxíes íntimes’ y ‘Naufraxos’ como los meyores.
El Conseyu de Gobiernu decidió en sesión estraordinaria recurrir l’alcuerdu de la oposición pa recuperar el control parllamentariu de les decisiones económiques. Insta a la Mesa de la Xunta a aplicar el so reglamentu.
El sindicatu educativu SUATEA asoleyó un comunicáu nel que reclama una RTPA “de calidá, bien xestionada y al serviciu de les necesidaes de la sociedá”. D’igual forma, defende’l papel que tien pa la normalización de la llingua asturiana.
Peio Urizar señaló que la disolución d’ETA va depender de “los que pasos que se dean” nel procesu de negociación. El voceru de Bildu considera qu’habría qu’evaluar si ye “conveniente” facer más detenciones tres l’anuncia de la banda.
Cola llegada de la temporada de branu, Easy Jet va poner en marcha cuatro frecuencies selmanales ente Asturies y Lisboa. La compañía británica va establecer la so vixesimotercer base nel aeropuertu de la capital portuguesa.
La población bretona de Trébeurden va acoyer esti sábadu y domingu’l Festival Tro An Dans, entamáu pola agrupación folclórica Meskajoú. Esti certame va tener presencia asturiana gracies a la participación del Grupu Señaldá.
Un 81 por cientu de los nuesos llectores apoyen la continuidá de la RTPA, anque con un modelu de programación distintu al actual. Francisco Álvarez-Cascos quier que l'ente tea xestionáu por una empresa privada en réxime de concesión.
El Centru Social La Semiente va celebrar esti vienres un amagüestu na plaza d’abastos de L’Entregu al que convida a tol pueblu. Yá pela nueche, va treslladar la folixa al so llocal, onde va haber delles actuaciones y escenariu abiertu.
El colexu públicu de Lieres, nomáu oficialmente de magar esti cursu C.P. Xentiquina, organiza pal próximu xueves 3 de payares una mesa redonda sobre cultura y música asturiana.
Tres cumplise 100 díes del nomamientu de conseyeros del Gobiernu nuevu, la Xunta pola Defensa de la Llingua Asturiana (XDLA) pide al Executivu que pase a los fechos col asturianu. Teme que les bones impresiones primeres sían fumu.
