Esta medianueche principia la campaña eleutoral na que los partíos van tratar de convencer a los asturianos pa ganase’l so votu. Un total de 16 formaciones preséntense por Asturies a la cita coles urnes del 20 de payares.
La situación económica que vive’l país y qu’afeuta a un bon númberu de families aumentó los pidimientos de comida a la Fundación Banco de Alimentos. Por esti motivu, la institución solicita a la ciudadanía donaciones de cara a la Navidá.
Na mañana del miércoles, los avilesinos y visitantes del Centru Niemeyer pudieron comprobar la esistencia d’un vertíu na ría y la presencia de peces muertos. El Coleutivu Ecoloxista d’Avilés denunció esta situación al Seprona y al Gobiernu.
Un recital lliterariu va abrir la segunda edición de les xornaes culturales ‘De castilletes y carbón’, que van celebrase en Ciañu tolos xueves d’esti mes y el primeru d’avientu. Pa zarrar l’actividá ta previstu un conciertu de Nuberu en La Felguera.
Esti miércoles, tres más de diez meses de negociaciones, Femetal y MCA-UXT firmaron el conveniu del metal pal 2011 y el 2012. Comisiones Obreres (CC OO) nun apoya esti alcuerdu al nun tar conforme col apartáu salarial del mesmu.
L’aumentu de la temporada de pesca d’angula reclamáu polos anguleros de les cofradíes de L’Arena y Cuideiru, foi criticáu pola Coordinadora, que reclama una veda inmediata. Tamién denuncia que’l Gobiernu “quier acabar col salmón”.
L’Axencia Estatal de Meteoroloxía (Aemet) decretó esti miércoles l’alerta mariella y naranxa n’Asturies por raches d’aire fuertes. La parte más afectada pol vientu ye tola zona sur del país, onde hai “riesgu importante” según l’organismu.
Xuan Xosé Mariño, direutor de Radio Sele, confirmó que la emisora ta a la gueta d’un llugar afayadizu pa instalar una antena cola que retomar les emisiones per FM. L’equipu mantién la programación al traviés d’Internet.
El xuráu del XX Concursu de Cuentos Curtios El Garrapiellu decidió dar el primer premiu a Denis Soria Fernández pol so rellatu ‘La Vengación’. L’accésit foi pa Pablo Rodríguez Alonso pol cuentu ‘Vae victis’.
Anders Fogh Rasmussen, secretariu xeneral de la OTAN, desplazóse a Libia coinciendo cola fecha establecida pola Alianza pa terminar coles operaciones militares nel país. Algamaron el so oxetivu de terminar con Gadafi.
