El ministru d’Información libiu afirma que Gadafi ta muertu

Muamar Gadafi foi capturáu cerca de Sirte por rebeldes mentes trataba d’escapar nun convói atacáu momentos enantes pola OTAN. El ministru d’Información del Conseyu Nacional de Transición (CNT) afirma que l’ex líder ta muertu.
 
L’axencia Reuters difundió esta mañana la noticia de la captura de Gadafi basándose nes declaraciones de combatientes del CNT qu’andaben tres la pista de Gadafi. Según señala ún de los rebeldes, atoparon al ex dirixente nun furacu y tres, ver a los combatientes, glayó “nun disparen, nun disparen”. Sicasí, nin el Departamente d’Estáu estuaxunidense nin la OTAN confirmaron tovía la noticia.
 
Hores más tarde, el ministru d’Información del CNT, Mahmud Shamman, aseguró a Reuters que Gadafi morrió a manes de les fuercies del gobiernu provisional y qu’hai imáxenes que lo prueben.