La Conseyería de Cultura y Deporte dio a conocer esti vienres el ganador del XXXII Premiu Xosefa Xovellanos de novela n’asturianu. L’escritor Xandru Fernández llevóse’l gallardón per tercera vez pol trabayu 'El príncipe derviche'.
La Jefatura Provincial de Telecomunicaciones unvió una carta a la comunidá de vecinos onde Radio QK tien instalada l’antena pa identificar al propietariu de la mesma baxo amenaza de multa. El proceder ye similar al fechu con Radio Sele.
El Conceyu de Samartín del Rei Aurelio anunció que les xornaes de lliteratura infantil y xuvenil van celebrase per primer vez en llingua asturiana. Éstes, que van principiar el día 22, cumplen esti añu’l so décimu aniversariu.
De 6.000 a 600 euros. Galicia rebaxó la cantidá de la multa que quier imponer al Fapas por capturar una águila pescadora en terrén asturianu. El Gobiernu vecín reconoz que los ecoloxistes garraron l’ave n’Asturies, anque diz qu’operaron dende Galicia.
L’Asociación Puxando pol Carru, en collaboración con Rebalgu, entama esta fin de selmana un amagüestu popular en La Pola Ḷḷena. Ente les munches actividaes programaes pal vienres y el sábadu destaca l’actuación de Spanta la Xente.
L’ex ciclista profesional Chechu Rubiera va participar esti domingu nuna marcha ciclista per Xixón en protesta contra l’alta tensión y en defensa del mediu ambiente. Ésta va tener salida n’El Rinconín al meudía y va acabar na Plaza Mayor.
La Fiscalía Anticorrupción acusa al duque de Palma, Iñaki Urdangarin, d’esviar fondos públicos y privaos al traviés d’un entramáu societariu. Pa ello establecíen precios “totalmente desproporcionaos” polos servicios emprestaos.
El ‘Conceyu Abiertu’ plantegáu a los nuesos usuarios sobre’l comunicáu d’ETA desveló que’l 45 por cientu de los llectores cree que nun hai marcha atrás na decisión de la banda. El 37 por cientu nun lo tien tan claro.
El sábadu 19, a partir de les 19 hores, va tener llugar n’Udin (Friûl) el Liet International, festival de canciones en llingües minorizaes. Asturies va tar representada por Skama la Rede y la gala va poder sentise en direutu al traviés de Radio Sele.
Tres ponese en marcha en dellos conceyos, como Ḷḷena, Llangréu o Siero, la campaña de normalización llingüística ‘La sidra, d’Asturies’ llega a Samartín del Rei Aurelio. Esta iniciativa ta orientada de manera principal a la hostelería.
