Arturo González de Mesa (FAC) y Agustín Iglesias Caunedo (PP) insultáronse y amenazáronse a la salida del Plenu municipal d’esti martes. El conceyal de Foro pidió disculpes al popular de manera pública tres l’incidente.
Yá ta confirmáu l’horariu del conciertu de Nuberu d’esti domingu nel Teatru Nuevu de La Felguera que va servir de pieslle de les II Xornaes Culturales ‘Los xueves de castilletes y carbón’. Va ser a les 20.15 hores y la entrada, la voluntá.
L’Asociación Cultural Arfueyu ta acabante de facer públicu un escritu a l’Autoridá Portuaria d’Avilés pa reclamar l’usu correutu de la toponimia nes instalaciones portuaries. En concreto, céntrase na denominación del muelle de L’Estrellín.
Una ufrienda floral nel monumentu dedicáu al ilustráu xixonés n’Uviéu y la inauguración d’una esposición nel Belles Artes conformaron l’actu d’homenaxe del Gobiernu a Xovellanos. Gabino de Lorenzo nun participó na celebración.
El 16 d’avientu va celebrase la votación de la proposición de llei pa devolver a la Xunta'l control sobre les competencies en materia presupuestaria. El TSXA dexó esti llunes en manes del Parllamentu la decisión sobre’l pagu a la RTPA.
La conseyera de Bienestar Social y Igualdá, Paloma Menéndez Prado, confirmó esti llunes que’l Gobiernu va mirar los ingresos de la unidá familiar a la hora de dar ayudes al aquiler. Hasta agora teníense en cuenta los del solicitante.
L’aprobamientu de la matanza de 240 cuervos cagalones llevó a dellos grupos ecoloxistes a acusar al Gobiernu de movese presionáu por coleutivos de pescadores. Critiquen “la falta de polítiques de conservación de la fauna salvaxe”.
José Bono declaró que quier un llíder “socialista moderáu” al que nun-y dea vergoña glayar “¡Viva España! al zarrar el congresu del que salga escoyíu”. El PSOE ta en procesu de renovación tres el fracasu eleutoral del 20-P.
El Conceyu de Samartín del Rei Aurelio celebró esti vienres un homenaxe a les muyeres cantantes de tonada del conceyu. L’alcalde, Enrique Fernández, reconoció l’aportación d’estes artistes a la cultura asturiana.
