Trabe espubliza un nuevu títulu pa "prellectores"

La editorial asturiana Trabe acaba sacar al mercáu un nuevu númberu de la colección "Reciella", empobinada a los neños y neñes d'Educación Infantil.

El nuevu númberu, que lleva'l nome de "Cómo toi", continúa'l camín entamáu pol títlu "Cómo soi", yá que la editorial vuelve a confia-y les ilustraciones a Nanu González, anque nesti casu'l testu seya obra d'Inés Álvarez y non de Esther Prieto como yera'l casu del primer númberu.
Los llibros de "prellectura" van empobinaos a los neños y neñes qu'entovía nun rompieron a lleer, polo que van ser obres mui visuales y con pocu testu. Asina mesmu'l formatu pequeñu y de tapa dura permite la manipulación per parte de los más pequeños.