El presidente d’Asturies señaló qu’una moción de censura “ye l’escenariu” más “probable” polos comportamientos que ta viendo de la oposición na Xunta Xeneral. “Tolos grupos punxéronse d’alcuerdu pa bloquiar a Foro”, afirmó.
La Oficina de Normalización Llinguüística de Llaviana ta acabante de convocar un Concursu de Postales de Navidá pa escolinos y escolines de Primaria del conceyu. Toles tarxentes participantes van formar parte d’una esposición.
La Comisión Direutiva de Foro Asturias Ciudadano (FAC) fixo públicu’l llunes el llistáu de representantes de la formación n’organismos de la Xunta Xeneral. Ente los seis escoyíos pal conseyu de l’alministración de la RTPA ta ‘Felechosa’.
El salón d’actos del Conceyo de Tapia va acoyer, ente’l 29 de payares y el 24 de xineru, el III Cursu de Llingua y Cultura del Navia-Eo. Ésti ye de baldre y va celebrase los martes y xueves de 17 a 20 hores.
El coordinador d’IX y candidatu a la presidencia del Gobiernu de la coalición, Cayo Lara, nun descarta que’l diputáu por Asturies, Gaspar Llamazares, repita como voceru nel Congresu. La formación d’izquierda quier ser la voz de la cai nel Parllamentu.
Álvaro Nadal, secretariu d’Economía y Emplegu del PP, avisó que la so formación usará la mayoría absoluta si los axentes sociales “nun son razonables” cola reforma llaboral. “El mercáu llaboral español ye’l que peor funciona del mundu”, afirmó.
Mariano Rajoy va ser el presidente estatal próximu. El PP ganó les xenerales de domingu al sumar 186 escaños (44,62 por cientu del total de votos), trés más que José María Aznar nel 2000, y va tener mayoría absoluta nesta llexislatura.
La compositora Janna Eijer (Fryslân) foi la ganadora del Liet International, festival de la canción en llingües minorizaes celebráu’l sábadu n’Udin (Friûl). Skama la Rede, que participó col tema ‘Condenáu’, finalizó n’octava posición.
Con 92.549 votos (14,75 por cientu), Foro de Ciudadanos, formación lliderada por Francisco Álvarez-Cascos, consigue un escañu nel Congresu. El PP gana n’Asturies, anque suma namái 3 diputaos, los mesmos que’l PSOE. IX algama ún.
Los trés candidatos al Senáu del PP consiguieron un escañu na Cámara alta, mentes que’l cuartu por Asturies foi pal socialista Vicente Álvarez Areces. Isidro Fernández Rozada tuvo'l mayor sofitu, con 208.654 votos.
