Enrique Álvarez Sostres ye’l primer políticu del país en conseguir un escañu nel Congresu con un partíu asturianu. El cabeza de llista de Foro dixo tar arguyosu d’algamalo pese al “bipartidismu y la opacidá mediática”.
El secretariu xeneral del PP y presidente de la Xunta Xeneral, Fernando Goñi, afirmó, tres conocer los primeros datos del recuentu de votos, que “principia una época n’España y en toda Asturies. Destacó l’ambiente de “allegría” nel so partíu.
‘Les Brañes. Un averamientu a la cultura pastoril n’Asturies’ ye la temática sobre la que va xirar el XII Seminariu d’Estudios Asturianos de La Fundación Belenos. Ésti va tener llugar en La Puela los díes 26 y 27 de payares.
Popeye’l marín yá fala n’asturianu. Gonzali Producciones terminó’l doblaxe a la llingua del país de trés curtiumetraxes d’animación que conformen la cinta ‘Popeye y les 1001 nueches’. L’estrenu va celebrase’l xueves en Sotrondio.
Andecha Astur cataloga d'inaceptable “el silenciu cómpliz del ‘Principado’” tres la decisión de la Xunta Eleutoral de torgar la presencia de papeletes n’asturianu nos colexos eleutorales. Considera que ye un bon momentu pa dar apoyu al idioma.
El Conseyu de Gobiernu alcordó esti xueves la toma en consideración de la dación en pagu. Va presentar una proposición de llei, qu’ha d’aprobase primero na Xunta Xeneral, pa la modificación de la Llei Hipotecaria.
Bacotexo, banda de rock del occidente del país, yá tien a la venta el so segundu trabayu discográficu. Trátase de ‘Homes invisibles’, LP con doce cantares en gallego-asturiano que supón la confirmación del grupu.
El Centru Social Okupáu Autoxestionáu La Madreña, nome que los indignaos punxeron al edificiu que tomaron n'Uviéu, va dar agospiu a les persones que sufran desahuciu. Sedes denunció’l miércoles la ocupación del inmueble.
El casu nuevu de discriminación a la llingua asturiana por parte de la Xunta Eleutoral llevó a l’Academia de la Llingua Asturiana (ALLA) a emitir un comunicáu. Nél encamienta al órganu que corrixa la situación d’anormalidá pa col asturianu.
N’opinión de los usuarios d’Asturies.com, cuatro formaciones polítiques van tener representación nel Congresu por Asturies. Toles encuentes publicaes nestes selmanes últimes reflexen esa posibilidá.
