José Manuel Tejedor y Alberto Ablanedo, Gueta na Fonte, Blima y Na Zona van participar esti vienres en L’Entregu nun conciertu solidariu col Sáḥara Occidental. Un Orbayu en el Desierto entama esta actividá.
La Casa de la Cultura de Candás acueye dende esti vienres y hasta’l 8 de xineru la esposición ‘Pasáu, presente y futuru de la Banda Gaites Candás’. Nella van poder vese semeyes, vidios, traxes, preseos y el troféu de campeón de la Liga Galega.
Iniciativa pol Asturianu, que’l sábadu va presentase en sociedá con un actu n’Uviéu, aconceyó nes selmanes últimes cola ALLA, la FCyN y la XDLA. L’asociación de creación nueva confirmó que va sofitar la manifestación del Día de les Lletres.
Esti vienres inauguróse una campaña especial de recoyida d’alimentos entamada pola Fundación Banco de Alimentos n’Uviéu. La institución benéfica instaló una caseta na cai 9 de mayu cola fin de reforzar la so actividá de cara a la Navidá.
Amaiur va ser parte del grupu mistu tres la decisión de la Mesa del Congresu de refugar que la coalición abertzale tuviera grupu parllamentariu propiu. Mentes, dio lluz verde al formáu por Foro de Ciudadanos y Unión Progreso y Democracia (UPyD).
El Gobiernu del país reclamó a la “Generalidad” de Catalunya la devolución de documentos xeneraos por instituciones publiques. L’Executivu nun descarta esixir la entrega de tolos papeles incautaos a Asturies y guardaos en Salamanca.
Rosa Díez anunció que Foro de Ciudadanos y UPyD van formar grupu parllamentariu de manera provisional. Esta decisión, amás d’evitar el vetu posible del PP a UPyD, da vía llibre a los populares pa negar la formación de grupu propiu a Amaiur.
Esta selmana estrenóse ‘Chatarrona’, una sitcom fecha n’asturianu que s’emite per Internet. Cuatro actores participen nesti proyeutu entamáu por Ámbitu, ente los que s’alcuentren los ‘televisivos’ Alberto Rodríguez y Pedro Durán.
La Xunta pola Defensa de la Llingua Asturiana (XDLA) dio a conocer esti miércoles a los ganadores de los XXVII Premios Andrés Solar. El pegollu foi pal vinu Ḷḷumés y el madreñazu pa l’alcalde de Noreña, César Movilla.
La Comisión Direutiva de Foro Asturias Ciudadano (FAC) designó a José Antonio Martínez Fernández como voceru de la formación na Xunta Xeneral. Sustitúi a Enrique Álvarez Sostres, que ganó un escañu nel Congresu nes eleiciones del 20-P.
