John T. Dunleavey, presidente del Comité del Desfile de San Patriciu que percuerre la Quinta Avenía de Manhattan tolos 17 de marzu, ta de visita n’Asturies. La organización premia a la Banda Gaites de Corvera d’Asturies pola so trayeutoria.
El xulgáu de lo Contencioso-alministrativo númberu 1 d’Uviéu estimó un recursu contra l’alcuerdu de la Xunta de Gobiernu de Coxersa pal aniciu de los trámites de la incineradora. El xuez condiciónala a la modificación del Plan de Residuos.
‘Dixebra XXV. 1987-2012’ ye’l nome del trabayu discográficu col que la banda avilesina celebra los sos 25 años de vida. Nél inclúinse versiones nueves de temes vieyos, como ‘Merucu Xusticieru’, remezcles y samples.
Los diputaos del Congresu tuvieron que xurar o prometer acatar la Constitución esti martes, pasu indispensable pa ocupar l’escañu. Un ventena d’ellos fixéronlo por “imperativu llegal”, añadiendo dellos matices.
Tres el pieslle del domingu del Centru Niemeyer, el llunes vivióse n’Uviéu una negociación ente Emilio Marcos Vallaure y Pilar Varela sobre’l futuru del complexu cultural. Tres 13 hores de reunión, nun hubo alcuerdu nengún.
Dende hai unos meses, un grupu de persones ta trabayando na creación d’un coleutivu nuevu de defensa de la llingua asturiana. Ésti, que lleva’l nome d’Iniciativa pol Asturianu, va presentase’l sábadu n’Uviéu.
El diputáu d’Izquierda Xunida (IX) por Asturies, Gaspar Llamazares, nun va repetir como voceru de la so formación nel Congresu. El secretariu xeneral de la coalición y candidatu pola Comunidad de Madrid, Cayo Lara, va ocupar esi puestu.
Antonio Virgili, hasta agora direutor d’Antena y Conteníos de la RTPA, ye’l direutor xeneral nuevu del ente públicu de comunicación. 13 de los 14 conseyeros votaron a favor del periodista, cola astención única del representante d’IX-LV.
El BOPA d’esti llunes espublizó l’aprobación de sondeos d’investigación en Salave a la sociedá Exploraciones Mineras del Cantábrico pese a la oposición vecinal a la mina d’oru. Ecoloxistes llamenten les prises del Gobiernu n’autorizalos.
Ventiseis de los ventisiete miembros de la Xunión Europea (XE) alcordaron sacar alantre los trataos nuevos qu’endurecerán la disciplina fiscal na eurozona. El Reinu Xuníu ye l’únicu estáu que queda fuera de la reforma.
