La llingua asturiana torna a vivir un situación surrealista pola falta d’oficialidá. Los votantes que s’averen a les urnes el 20-P van poder votar n’asturianu, pero nun van disponer de papeletes pa ello, según denuncia Andecha Astur.
 

Na nueche del martes, coincidiendo cola celebración de los seis meses de vida del movimientu 15-M, mediu centenar d’indignaos tomaron la sede vieya de Salú. Quieren recuperar esti edificiu abandonáu pa da-y un usu cultural y asociativu.
 

Les papeletes al Congresu y al Senáu presentaes por Andecha Astur foron bloquiaes pola Xunta Eleutoral al tar n’asturianu. “Tien de decidir si’l fechu de presentales en llingua asturiana pue xustificar la so anulación”, señalen dende la organización.
 

Xareos! Xestión Cultural ta acabante d’espublizar un númberu nuevu de la revista ‘Formientu’, el novenu. Ésta va ser la oportunidá cabera de lleer nella a dalgunos de los so collaboradores, col oxetivu de dar pasu a xente más mozo.
 

Xixón y Navelgas son los llugares escoyíos por Suburbia pa la presentación de dos de los sos novedaes últimes. La del llibru del estauxunidense va celebrase'l vienres nel Trisquel, mentes que'l día 24 va ser el turnu del poemariu de Cristina Menéndez.
 

Emilio Marcos Vallaure anunció que la so conseyería va encargase de restaurar horros y paneres de relevancia histórica, artística y patrimonial. Quirós va acoyer les primeres actuaciones en construcciones de los sieglos XVI y XVII.
 

José Manuel Rivero, conseyeru d’Economía, aconceyó por segunda vegada nos siete díes últimos con responsables d’Air Europa. Nesta ocasión tampoco hubo alcuerdu, anque'l representante del Executivu mostróse otra vuelta optimista.
 

El XVI Roue Waroch, festival que va tener llugar los díes 17, 18 y 19 de febreru na población bretona de Pleskob, va tar dedicáu a Asturies. Delles bandes del país van llevar la nuesa música a esti eventu qu’axunta a miles de persones.
 

L’Asociación Cultural Xeira ta acabante d’anunciar la convocatoria del XXI Premio de Narracióis Curtias. Esti concursu lliterariu ye’l más veteranu de los que se faen en gallego-asturiano y tien una recompensa de 600 euros.
 

L’escritor y periodista Lluis Portal llevóse’l Premiu Fuertes Acevedo d’ensayu n'asturianu gracies al so trabayu ‘Cipriano Folgueras, una gloria d’Asturies’. El gallardón, concedíu pola Conceyalía de Cultura y Deporte, ta dotáu con 7.000 euros.