Cayo Lara y Alberto Garzón, compañeros d’IX de Llamazares, anunciaron el martes la so decisión d’arrenunciar al plan de previsión social del Congresu. El diputáu por Asturies refugó siguir el mesmu camín salvo decisión "coleutiva" del so grupu.
Ramón d’Andrés, Sara Gutiérrez Rodríguez y Vanesa Díaz Fanjul, del grupu d’investigación Seminariu de Filoloxía de la Universidá, van participar nun congresu en Brasil la selmana qu’entra. Ésti ta dedicáu a los neoloxismos.
Bloque por Asturies-UNA de Siero, siguiendo’l modelu puestu en marcha apocayá en Ribeseya, pide al Conceyu que dea subvenciones pa promover sestaferies. La coalición cree que sería una bona forma de potenciar la zona rural.
El Plenu d’Investidura del presidente del Estáu va adelantase al 19 d’avientu, según anunció esti xueves la secretaria xeneral del PP, María Dolores de Cospedal. D’esta forma, Mariano Rajoy garraría la presidencia’l día 21.
Esti vienres, a les 20 hores, el Teatru Nuevu de La Felguera va acoyer la presentación del primer discu en solitariu de Marisa Valle Roso. ‘De lo fondero l’alma’ ye’l títulu d’esti trabayu d’una de les grandes promeses de la canción asturiana.
El Centru Social La Semiente de L’Entregu tien programáu un avientu cargáu d’actividaes que van tocar dellos temes. Los grupos de consumu y la soberanía alimentaria protagonicen la primer d'elles esti xueves a les 20 hores.
El presidente de la Xunta Xeneral, Fernando Goñi, recibió esti miércoles al alcalde de Nava, Emilio Ballesteros, pa tratar dellos asuntos sobre’l conceyu de Nava. L’asturianista tresmitió al popular el so enfotu por reducir deuda.
La Confederación Hidrográfica del Cantábricu (CHC) va acondicionar el calce de los regueros La Braña y La Raíz, en Cangas. D’esta forma, cúmplese una demanda vieya de la Coordinadora Ecoloxista y los vecinos de Xichón.
Per cuartu añu consecutivu, Bual va disfrutar de trés díes de música, arte y lliteratura. Esti vienres torna l’Outono Cultural, actividá entamada pola Asociación Xuvenil Mezá cola fin de dinamizar la vida cultural del conceyu.
L’informe de la Comisión d’Espertos pal futuru del Valle de los Caídos propón que los restos de Franco se desentierren y treslladen a un llugar ú decida la familia del dictador. Esta midida nun tien l’apoyu de trés de los doce miembros.
