Los asistentes al Conceyu Fundacional del procesu Compromisu decidieron nomar Compromisu por Asturies a la federación de partíos que pretende axuntar a tol asturianismu. Yolanda Huergo salió escoyida vocera de la formación.
Na medianueche d’esti sábadu cientes de fogueres van quemar n’Asturies pa celebrar San Xuan. La nueche más máxica del añu va trayer un abanicu grande d’opciones pa disfutar d’una de les cites más esperaes del añu.
Ochenta mineros partieron na mañana d’esti vienres a Madrid n’otra midida de protesta contra los recortes al carbón. Los trabayadores de la tercera ‘Marcha prieta’ nun tuvieron solos na salida, yá que miles de persones acudieron a despidilos.
‘Endangered languages’ ye’l nome del proyeutu que ta acabante d’entamar Google pa salvar idiomes en peligru de desaniciu. Nel llistáu de 3.054 llingües ta incluyíu l’asturianu y el mirandés, amás del aragonés y el catalán de signos.
El salón d’actos de la Biblioteca d’El Berrón va acoyer el I Conceyu Nacional de Conceyu Abiertu el sábadu 30 de xunu. Ésti ta abiertu a cualquier persona que tea interesada en participar nesti proyeutu de calter municipalista.
La marcha convocada n’Asturies contra los recortes sociales y la reforma llaboral del Gobiernu sacó a la cai a más de 3.000 persones. La lluvia que cayó n’Uviéu a la hora de la manifestación nun impidió una participación importante.
Un 72 por cientu de los usuarios d’Asturies.com que participaron nel nuesu ‘Conceyu Abiertu’ amosó’l so apoyu a les movilizaciones entamaes polos mineros. El sector del carbón mantién una fuelga indefinía dende’l 30 de mayu.
Con motivu de la llegada de la esposición itinerante ‘Máscara Ibérica’ al Pueblu d’Asturies, Asturies.com ufre una galería con semeyes de la muestra y del festival de mesmu nome de Lisboa. Iván G. Fernández ye l’autor de toles fotografíes.
Nengún senador del PP frayó la disciplina de votu y los populares refugaron en bloque la primer enmienda al recorte nos presupuestos a la minería del carbón. El vienres va salir hacia Madrid la tercer ‘marcha prieta’ en defensa del sector.
Paros, zarros y concentraciones van ser les armes que van utilizar los trabayadores de la fábrica de La Vega pa evitar el treslláu de la producción a Trubia. Esti martes tán llevando la so problemática a los grupos de la Xunta Xeneral.
