Los llectores d’Asturies.com apoyen les movilizaciones de los mineros

Un 72 por cientu de los usuarios d’Asturies.com que participaron nel nuesu ‘Conceyu Abiertu’ amosó’l so apoyu a les movilizaciones entamaes polos mineros. El sector del carbón mantién una fuelga indefinía dende’l 30 de mayu.
 
Por contra, un 24 por cientu espresó la so disconformidá coles aiciones colos que los mineros pretenden presionar al Gobiernu estatal pa negociar un cambiu nel recorte previstu a les ayudes al carbón, cifráu nun 63 por cientu. Ente elles destaquen los cortes diarios de carreteres que, en munches ocasiones, acaben con enfrentamientos coles Fuercies de Seguridá del Estáu. Otra manera, un 4 por cientu prefirió nun opinar sobre esti asuntu.
 
Dende esti momentu, los llectores d’Asturies.com pueden votar nun ‘Conceyu Abiertu’ nuevu. Nesta ocasión queremos conocer cuála ye la so opinión sobre les midíes económiques que quier implantar el Gobiernu de Mariano Rajoy.