Un 83 por cientu de los usuarios d’Asturies.como amosaron nel nuesu ‘Conceyu Abiertu’ la so disconformidá énte les midíes económiques impulsaes pol Gobiernu de Rajoy pa reducir el déficit públicu. Namái’l 11 por cientu dixo tar a favor.
 

La conseyera d’Educación, Cultura y Deporte, Ana González, anunció’l martes nel Parllamentu asturianu los sos planes pa esta llexislatura. Ente ellos ta un cambiu nel modelu de la Selmana de les Lletres, ensin entrar en detalles.
 

L’Asociación de Trabayadores de la Normalización Llingüística ta acabante de denunciar la situación de los SNL de Llaviana, Illas-Castrillón y d’Ozcos-Eo. Éstos nun furrulen pese a tener aprobaes les ayudes de la conseyería.
 

El salón de recepciones del Conceyu de Xixón acoyó la presentación de les Xornaes Lliteraries nel Arcu Atlánticu. El so coordinador, Humberto Gonzali, anunció qu’éstes van mirar “a la mar, la gastronomía y la música”.
 

La marcha de paraos asturianos axuntóse esti martes en Villacastín (Segovia) a les procedentes de Galicia, Lleón, Salamanca, Burgos, Valladolid y Palencia. El so oxetivu ye llegar el sábadu a Madrid pa reclamar un trabayu dignu.
 

Los ciudadanos van pagar 36,83 euros más qu’hai diez años tres la xuba nueva del recibu de la lluz tres la medra del IVA anunciada pol Gobiernu estatal. Ello supón un incrementu de más del 86 por cientu nuna década.
 

Coincidiendo col so décimu aniversariu, la revista ‘Rock Estatal’ espubliza esti mes un númberu especial nel qu’inclúi un reportaxe sobre les cien bandes más destacaes del sieglu. Los avilesinos Dixebra ocupen un puestu destacáu nella.
 

El cuartetu nipón Harmonic Cream va abrir esti llunes los conciertos del Festival Intercélticu d’Avilés cola so propuesta blues con toques celtes. Va ser la primera de les actuaciones d’esti certame que va allargase hasta’l domingu.
 

La xubida del tipu xeneral d'IVA del 18% al 21% va entrar en vixencia'l próximu 1 de setiembre, tal como avanzó'l ministru de Facienda y Alministraciones Públiques, Cristóbal Montoro.

Nesa mesma fecha va xubir el tipu del reducíu del 8% al 10%, mientres que va caltenese'l el tipu superreducíu, el que grava los bienes de primer necesidá nel 4%. Montoro avanza tamién cambios nel IVA de dalgunos productos pero ensin concretalos.
 
La xubida del IVA, según Montoro, va completase con una reducción de les cotizaciones a la Seguridá Social un puntu nel 2013 y otru nel 2014.