Conceyu Abiertu va celebrar el so primer conceyu nacional el día 30
|
21 Xunu, 2012 por Pablo R. Guardado
- Inicie sesión o rexístrese pa espublizar comentarios
El salón d’actos de la Biblioteca d’El Berrón va acoyer el I Conceyu Nacional de Conceyu Abiertu el sábadu 30 de xunu. Ésti ta abiertu a cualquier persona que tea interesada en participar nesti proyeutu de calter municipalista.
El domingu pasáu tuvo llugar na sede de la Corriente Sindical d’Izquierda (CSI) d’Uviéu una xunta preparatoria del conceyu col envís d’aldericar sobre les ponencies marcu ‘Bases polítiques’ y ‘Bases organizatives’. La web de Conceyu Abiertu tien a disposición de tolos usuarios los dos documentos, a los que se pueden presentar enmiendes hasta la medianueche del domingu.
L’entamu del primer conceyu nacional de la formación ta previstu pa les 10 hores. Al comienzu del mesmu va constituyise una mesa formada con consesu por voluntarios que van llevantar acta del conceyu y moderar l’actu. Les enmiendes presentaes nun se van facer públiques hasta 48 hores enantes y, pa qu’una d’elles se tenga en cuenta, ha de ser defendía de manera presencial nel conceyu pol interesáu, ensin poder delegar n’otra persona. Según señalen dende Conceyu Abiertu, l’aprobación d’enmiendes celebraráse por consensu y nel casu de nun habelu, por mayoría simple con votu a mano alzada.
Efrén d'Andrés
Lo + visto de la selmana
Comentarios
Mirái: que conste que nuna democraciua tenéis tol derechu del mundu a facer lo que vos pete, inda facer el friki d´una manera descomonada. Tuvistis una oportunidá esti mes de participar nel Conceyu Fundacional de Compromisu , apuntándose a un censu, apurriendo enmiendes, entrando a nivel individual nuna refundación del nacionalismu-asturianismu. Pero non, erre qu´erre. Munchos yá tamos pensando mal de les frikaes que gastáis. Nun pue ser qu´una mala intelixencia vos faga tan testerones. Nun tenéis denguna posibilidá d´aición política real, dellos vivís nel mundu de Yupi, sois una minoria irredenta que, en casu de ser conocida, ye conocida pol vuesu discursu alloriáu y refugable. Inda falando con abertxales vascos y independentistes catalanes supimos que vós tenéis ente ellos una fama frikis que nun podéis pa con ella. Si la vuesa actitú tan zopenca nun se pue deber a una intelixencia equivocada, tien d´esplicase por una voluntá torcía. ¿Con qué voluntá esistis? Por supuestu, la de francer tou proyectu rexenerador del nacionalismu asturianu. Sois un garrapiellu perpequenu, pero tenéis esperiencia neso de francer mayoríes y disviar l´atención. Nun sois nada, nun sois naide. A ver si vos enteráis d´una vez. Dígolo polos que nun cayistis de la burra, por edá o desconocimientu. Hai una mano que torga´l puxu de la identidá asturiana y esa mano llega a vós. Si tuviérais dalgo de patriotismu y sentíu de la política yá taríais dientro de Compromisu, inda organizando una corriente interna. Si ye verdá que tenéis un discursu diferenciáu, esi yera´l llugar onde lu facer valer. Namái qu´unviásteis "observadores" al censu que vos van poner al tantu de lo que pasa. Pero queréis dar la imaxen de que sois otra cosa. Otra: la nada más absoluta.