Tres finar en segunda posición l’añu pasáu, Álvaro Álvarez Fernández consiguió llevase esti sábadu’l Concursu de Gaiteros y Gaiteres Mozos de Bimenes. Mentes, Fernando Vázquez Cárcaba repitió como tercer clasificáu.
Más de 50.000 persones, según los sindicatos –cifra rebaxada a 25.000 pola Policía–, salieron a la cai esti llunes en Llangréu en defensa de la minería del carbón y pol emplegu nes zones mineres. CO OO y UXT estudien una ‘marcha prieta’ a Madrid.
La presidenta del PP de Xixón, Pilar Fernández Pardo, inauguró la Xornada de Lliteratura y Cultura Asturianes qu’entama l’Área de la Muyer del so partíu. Destacó que’l patrimoniu cultural del país pue ser “un motor de desarrollu económicu y social”.
La fuelga xeneral convocada nes zones mineres esti llunes tien un siguimientu máximu tanto nes cuenques como nel suroccidente del país. A les 19 hores ta convocada una manifestación peles cais de La Felguera.
Hélder Ferreira, presidente de Progestur, señaló que “ye una satisfaición mui fuerte trayer a Asturies la esposición ‘Máscara Ibérica”. La muestra va tar abierta al públicu hasta’l 30 de setiembre nel Muséu del Pueblu d’Asturies.
El Conceyu de Xixón presentó esti xueves de manera oficial el Festival Arcu Atlánticu, que va desendolcase na ciudá del 21 al 29 de xunetu. Ventisiete asociaciones y entidaes van collaborar na organización d’esta primer edición, dedicada a Portugal.
Xulio Viejo Fernández, direutor de la revista de Filoloxía Asturiana, anunció qu’espera poner al día la espublización pa esti añu cola salida de los númberos 11 y 12. El Seminariu presentó n’Uviéu los que van del 6 al 10 y dos llibros.
Esti martes presentóse en Tremañes ‘El pallabreru de baloncestu’, espublización que recueye alredor de 140 términos venceyaos con esti deporte. Nel actu, Carlos Rubiera anunció que’l próximu que s’edite va tar dedicáu a los bolos.
Alredor de 8.000 persones acudieron el martes a El Molinón a la misa-homenaxe a Manuel Preciada oficiada por Fernando Fueyo. Aficionaos al fútbol de toda Asturies y de Cantabria nun quixeron faltar a esta emotiva despidida.
Les sedes del Partido Popular (PP) de Mieres, Ayer, Uviéu, Xixón, Siero y Llaviana sufrieron ataques na madrugada del martes. Éstos taríen venceyaos cola fuelga indefinía que mantién el sector mineru del carbón.
