Esti martes, nel programa ‘Nueches de radio’ de Radio Sele, Xera va facer un preestrenu de ‘Llume’, el so tercer trabayu. El discu va tar disponible al completu pa la so descarga de baldre na web del grupu nunos díes.
 

L’Asociación Cultural L’Arribada entama nesta ‘Semana Negra’ un actu dedicáu a la novela negro en llingua asturiana. Nél van participar los autores Roberto González-Quevedo, Vicente García Oliva y Xuan Xosé Sánchez Vicente.
 

Esti vienres va tener llugar nel Muséu del Pueblu d’Asturies la inauguración de la esposición de la Mázcara Iberica. Munches imáxenes y traxes de delles mazcaraes componen esta muestra itinerante entamada pola asociación Progestur.
 

L’Estáu español alcordó’l sábadu col Eurogrupu un rescate d’hasta 100.000 millones d’euros pa la banca. Bruxeles podrá paralizalu si’l Gobiernu incumple los requisitos de mengua del déficit y les reformes esixíes pola Comisión Europea.
 

Les polítiques que se tán aplicando pola crisis frayen el derechu a la vivienda, a la educación y a les ayudes sociales a los más desfavorecíos. Ésta ye la opinión de la Procuradora Xeneral y de dellos espertos en derechu.
 

El Club de Prensa de La Nueva España va acoyer esti miércoles la presentación de trés espublizaciones nueves del Seminariu de Filoloxía Asturiana (SFA) de la Universidá d’Uviéu. L’actu va principiar a les 19 hores y tien entrada llibre.
 

Aleru, tiru llibre o bloquéu son dalgunos de los términos qu’inclúi ‘El pallabreru del baloncestu’, espublización editada pola Oficina de Normalización Llingüística de Xixón. Ed Johnson ye’l prologuista d’esti llibrín destináu a neños y neñes.
 

Delles emisores van incorporar a la so programación un espaciu que va informar sobre l’actualidá del movimientu de reivindicación llingüística. Iniciativa pol Asturianu promueve esti programa que tamién va poder sentise per Internet.
 

Guillermo Martínez, voceru del Gobiernu, pidió de forma pública “soluciones” a Mariano Rajoy pal caltenimientu de l’actividá minera. L’Executivu almite que sigue con “preocupación” el conflictu xeneráu pola mengua nes ayudes al carbón.
 

Un infartu acabó esta madrugada cola vida de Manuel Preciado, ex entrenador del Sporting. El cántabru, de 54 años, taba en València y el Villarreal diba presentalu esti vienres como téunicu del equipu castellonense pa esta temporada.