El PP de Zamora tumbó’l 18 de mayu pasáu una propuesta d’ADEIZA na Diputación pa establecer midíes de proteición pal asturlleonés y el gallegu. Iniciativa pol Asturianu llamenta’l vetu a los derechos llingüísticos nesta provincia.
Los 2.000 profesores interinos asturianos van entamar una fuelga indefinía pola situación na que s’alcuentren polos recortes previstos na educación pública. Tamién van aniciar una acampada frente a la Delegación del Gobiernu estatal.
Los sindicatos refugaron participar na reunión de la Comisión de Siguimientu del Carbón por nun tar conformes cola decisión d’Industria de dexar participar sólo a dos representantes por central. Diez sindicalistes encadenáronse nel ministeriu.
Un 72 por cientu de los usuarios d’Asturies.com califica de mala la política llingüística desendolcada pol Gobiernu de Foro. Sicasí, un 19 por cientu de los llectores que votaron esta opción considera qu’ameyoró lo fecho por executivos anteriores.
La Escuela de Música de Grau y l’Asociación Cuatro Notes entamen, ente’l 19 y el 22 de xunetu, un taller de música folk. Nesta esperiencia novedosa, los alumnos y alumnes participantes van tener maestros d’esceición.
L'ALLA dio a conocer a los ganadores de los concursos de recoyida de material toponímico oral y teatru. Antonio Alonso de la Torre y Francisca Iglesias Álvarez llevóse’l primeru, mentes que'l candasín Xurde Fernández algamó’l segundu.
El VI Premiu Timón p’autores en llingua asturiana y n’eonaviego, que concede l’Asociación Cultural L’Arribada, foi p’Antón García. L’escritor tinetense va recibir el gallardón nel mes de setiembre na celebración de L’Arribada 2012.
La sede del Ministeriu d’Industria acueye esti miércoles, a partir de les 17 hores, una reunión nueva de la Comisión de Siguimientu del Carbón. El sector mantién el paru indefiníu y los sindicatos nun esperen avances.
Esti martes, 5 de xunu, ye’l Día Mundial del Mediu Ambiente. Coincidiendo con esta fecha, los escolinos y escolines de Ḷḷena van trabayar a lo llargo de la selmana sobre les conductes ecolóxiques al traviés de materiales didáuticos n'asturianu.
Inaciu Galán, presidente d’Iniciativa pol Asturianu, entregó esti llunes un informe nel Rexistru de la Real Academia Española (RAE) nel que pide’l cambiu de la definición del términu 'asturiano'. Ésta ye incorreuta dafechu.
